- 2020-11-13 01:55:13
- បាល់ទាត់
២នាទីចុងម៉ោង ហុងគ្រីវាយបកបាន២គ្រាប់ឈ្នះអ៊ីស្លង់បានឡើង Euro 2020
- 2020-11-13 01:55:13
- ចំនួនមតិ 0 | ចំនួនចែករំលែក 0
២នាទីចុងម៉ោង ហុងគ្រីវាយបកបាន២គ្រាប់ឈ្នះអ៊ីស្លង់បានឡើង Euro 2020
ចន្លោះមិនឃើញ
ក្រុមជម្រើសជាតិហុងគ្រីអាចធ្វើបាន២គ្រាប់នៅចុងម៉ោង២នាទីចុងក្រោយ យកឈ្នះលើអ៊ីស្លង់ ២-១ បានឡើងទៅកាន់វគ្គចែកពូលពាន Euro 2020។
ខ្សែបម្រើប្រយុទ្ធរបស់ក្លឹប Everton កីឡាករ Gylfi Sigurdsson ជាអ្នករកគ្រាប់នាំមុខឲ្យអ៊ីស្លង់ ដោយការទាត់ Free-Kick ទម្លុះដៃអ្នកចាំទី Peter Gulacsi។ ប៉ុន្តែនៅចុងម៉ោងទៅហើយ ពោលនាទីទី៨៨ កីឡាករបម្រុង Loic Negao រកគ្រាប់តាមស្មើឲ្យហុងគ្រី មុនពេលមិត្តរួមក្រុម Dominik Szoboszlai ថែមគ្រាប់ទី២នៅពីរនាទីបន្ទាប់ ដែលជាគ្រាប់ជ័យជម្នះ។
តាមរយៈការឈ្នះនេះហុងគ្រីបានឡើងទៅលេងវគ្គចែកពូលពាន Euro 2020។ ពួកគេស្ថិតនៅពូល F ជាមួយប្រទេសខ្លាំងៗដូចជា បារាំង ព័រទុយហ្គាល់ និងអាល្លឺម៉ង់។ ពូលនេះត្រូវបានគេចាត់ទុកជាពូលមរណៈ៕
