លោក​ Jean Michel Aulas ប្រធាន​ក្លឹប​ Lyon បាន​និយាយ​កាល​ពី​ពេល​ថ្មីៗ​នេះ​ថា​ ខ្សែ​ប្រយុទ្ធ​ Memphis Depay ខ្សែ​បម្រើ​ Houssem Aouar ខ្សែ​ប្រយុទ្ធ​ Moussa Dembeleនឹង​មិន​ចាកចេញ​ពី​ក្លឹប​របស់​លោក​ទេ​ នៅ​រដូវកាល​ទិញ​ដូរ​កីឡាករ​នៅ​ដើម​ឆ្នាំ​២០២១ នេះ​​។

លោក​ Jean បាន​និយាយ​ថា​៖" នៅ​ក្លឹប​យើង​នេះ​មាន​កីឡាករ​បរទេស​ច្រើន​ណាស់​ រាប់​បញ្ចូល​ទាំង​ Depay ដែល​ជា​ប្រធាន​ក្រុម​ផ្ទាល់​។ ខ្ញុំ​មិន​មែន​ចូល​ចិត្ត​គេ​អី​នោះ​ទេ​ តែ​ខ្ញុំ​គិត​ថា​គេ​អាច​ជួយ​ក្លឹប​យើង​បាន​ច្រើន​ "។

លោក​បាន​បន្ត​ថា​៖" យ៉ាង​ណា​ក៏​ដោយ​ យើង​មិន​ទុក​ឲ្យ​គេ​លេង​ឲ្យ​យើង​រហូត​ដាច់​កុងត្រា​ទេ​ ហើយ​ខ្ញុំ​ក៏​ច្បាស់​ដែរ​ថា​ គេ​ក៏​មិន​ទៅ​ចោល​ក្លឹប​យើង​នៅ​ពេល​ខាង​មុខ​នេះ​ដែរ​ រាប់​បញ្ចូល​ទាំង​កីឡាករ​ Aouar និង​កីឡាករ​ Dembele ផង​ដែរ​ "។​

គួរ​បញ្ជាក់​ផង​ដែរ​ថា​ Deapy ត្រូវ​បាន​ពាក្យ​ចចាមអារ៉ាម​ធ្លាប់​និយាយ​ថា​ Barca ចង់​បាន​កីឡាករ​រូប​នេះ​រហូត​មក​ រី​ឯ​ខ្សែ​ប្រយុទ្ធ​រូប​នេះ​វិញ​ក៏​ធ្លាប់​និយាយ​ដាក់​ក្លឹប​ Lyon ថា​ ខំ​ប្រឹង​ប្រែង​ទៅ​ទាន់​គេ​លេង​នៅ​ក្លឹប​មួយ​នេះ​ រហូត​ដល់អស់​កុងត្រា៕