- 2020-10-28 02:29:33
- បាល់ទាត់
ដំណឹងសោកស្ដាយ Ronaldo មិនអាចលេងទល់នឹង Messi នៅយប់នេះឡើយ
- 2020-10-28 02:29:33
- ចំនួនមតិ 0 | ចំនួនចែករំលែក 0
ដំណឹងសោកស្ដាយ Ronaldo មិនអាចលេងទល់នឹង Messi នៅយប់នេះឡើយ
ចន្លោះមិនឃើញ
តារារបស់ក្លឹប Juventus កីឡាករ Cristiano Ronaldo នឹងមិនអាចលេងទល់ជាមួយ Barcelona នៅពានរង្វាន់ Champions League រាត្រីនេះឡើយ ដោយសារតែគេបន្តតេស្ដវិជ្ជមានវីរុសកូរ៉ូណា។
កីឡាករវ័យ៣៥ឆ្នាំបានតេស្ដវិជ្ជមានវីរុសកូរ៉ូណាកាលពីដើមខែនេះ ខណៈដែលគេទៅបំពេញភារកិច្ចជាមួយជម្រើសជាតិព័រទុយហ្គាល់។ គិតទល់ពេលនេះគេខកខានបានលេង២ប្រកួតឲ្យ Juventus ហើយ។
សម្រាប់ពេលនេះវិញ Ronaldo នឹងបន្តមិនបានលេងនៅ UCL យប់នេះម៉ោង៣:០០នាទីទៀបភ្លឺ ក្នុងពូល G ជាមួយ Barcelona នៅឯកីឡដ្ឋាន Allianz Stadium។ សម្រាប់ដំណឹងខាងលើពិតជាសោកស្ដាយ ព្រោះគេមិនអាចជួបដៃគូចាស់ Lionel Messi។
Ronaldo និង Messi បានបង្កើតស្នាដៃជាកីឡាករល្អជាងគេគ្រប់ពេលវេលា អំឡុងពេលពួកគេលេងនៅ La Liga។ ក្នុងនោះ Ronaldo ឈ្នះពាន Ballon d’Or ៥ដង ឯ Messi បាន៦ដងច្រើនជាងគេបង្អោះ៕