/Football(37)/5f9793810b077_1603769160_medium.jpg)
- 2020-10-27 03:38:57
- បាល់ទាត់
Bata ៖អនាគតបន្ដលេងនៅបឹងកេត ឬយ៉ាងណា អាស្រ័យលើថ្នាក់ដឹកនាំ
- 2020-10-27 03:38:57
- ចំនួនមតិ 0 | ចំនួនចែករំលែក 0
Bata ៖អនាគតបន្ដលេងនៅបឹងកេត ឬយ៉ាងណា អាស្រ័យលើថ្នាក់ដឹកនាំ
ចន្លោះមិនឃើញ
ខ្សែប្រយុទ្ធ Dzarma Bata រកបាន១គ្រាប់នៅចុងម៉ោងស្មើជាមួយភ្នំពេញក្រោន ១-១ កាលពីចុងសប្ដាហ៍កន្លងទៅនោះ គឺបានធ្វើឱ្យបឹងកេតគ្រងជើងឯកលីគកំពូលកម្ពុជាបានសម្រេចហើយនៅឆ្នាំ២០២០នេះ។
នេះជាលើកទី២ហើយសម្រាប់ខ្សែប្រយុទ្ធខាងលើនេះ ដែលបានជួយក្រុមបឹងកេតលើកពាន ខណៈដែលរូបគេផ្ទាល់បានបង្ហាញអារម្មណ៍រំភើបនិងសប្បាយចិត្តខ្លាំងមែនទែនក្នុងការបានជួយក្រុមបឹងកេត។ អតីតកីឡាករ Angkor Tiger ខាងលើបានបញ្ជាក់ទៀតថា អនាគតរបស់គេនៅមិនទាន់ដឹងច្បាស់នោះទេ ដោយសម្រេចទៅលើថ្នាក់ដឹកនាំក្លឹប ថាបន្ដឱ្យជួយរដូវកាលថ្មីទៀតឬយ៉ាងណា។
ខ្សែប្រយុទ្ធនីហ្សេរីយ៉ា វ័យ២៧ឆ្នាំខាងលើនេះ មានបទពិសោធច្រើនមែនទែនក្នុងការលេងឱ្យក្លឹបនៅលីគកំពូលកម្ពុជា។ នៅឆ្នាំ២០១៧ រូបគេលេងឱ្យបឹងកេត ឈ្នះពានរង្វាន់លីគកំពូលកម្ពុជាម្ដងមកហើយ។ ក្រោយមកទៀត បានផ្លាស់ចេញទៅលេងក្លឹបជាច្រើនដូចជាស្វាយរៀង ក្រោន និង Tiger ជាដើម៕
