- 2020-10-22 02:23:19
- បាល់ទាត់
អូនតូច ថា បានឡើងមកប៉ះវិសាខាមិនមែនពឹងលើសំណាងតែមួយមុខឡើយ
- 2020-10-22 02:23:19
- ចំនួនមតិ 0 | ចំនួនចែករំលែក 0
អូនតូច ថា បានឡើងមកប៉ះវិសាខាមិនមែនពឹងលើសំណាងតែមួយមុខឡើយ
ចន្លោះមិនឃើញ
ប្រធានក្រុមបាល់ទាត់ខេត្តព្រៃវែង អាត អូនតូច បាននិយាយទាំងមានទំនុកចិត្តថា ក្រុមរបស់ខ្លួនបានឡើងមកដល់វគ្គពាក់កណ្ដាលផ្ដាច់ព្រ័ត្រ ប៉ះវិសាខានេះមិនមែនជាពឹងផ្អែកលើសំណាងតែមួយមុខឡើយ។
ក្រុមបាល់ទាត់ខេត្តព្រៃវែង នឹងប៉ះក្រុមបាល់ទាត់វិសាខាក្នុងព្រឹត្តិការណ៍ Hun Sen Cup 2020 វគ្គពាក់កណ្ដាលផ្ដាច់ព្រ័ត្រវេលាម៉ោង ៦:០០ នាទីល្ងាចនេះនៅពហុកីឡដ្ឋានជាតិ។
ទាក់ទងការប្រកួតនេះ អូនតូច បាននិយាយថា «បាទបង! ក្រុមបានឡើងមកកាន់វគ្គនេះមិនមែនពឹងផ្អែកលើសំណាងតែមួយមុខទេ។ ត្រូវពឹងលើសំណាង បូកបញ្ចូលសមត្ថភាព ទើបអាចឡើងមកកាន់វគ្គនេះបាន»។
មុនឡើងមកកាន់វគ្គនេះ ខេត្តព្រៃវែងបានយកឈ្នះក្រុមខ្លាំង Tiffy Army ដោយបាល់ប៉េណាល់ទីកាត់សេចក្ដី ៥-៤ បន្ទាប់ពីស្មើគ្នា ៤-៤ ទាំងពីរជើង។ ចំណែកវិសាខាបានទម្លាក់បឹងកេតដោយបាល់ប៉េណាល់ទីកាត់សេចក្ដីដូចគ្នាក្នុងលទ្ធផល ៤-៣ បន្ទាប់ពីស្មើគ្នា៤-៤ ទាំងពីរជើង៕
