/5f8d940cb0e18_1603113960_medium.jpg)
- 2020-10-19 13:33:52
- បាល់ទាត់
គ្មានការពិន័យលើ អ្នកចាំទីដែលធ្វើឲ្យ Van Dijk របួសដល់ថ្នាក់វះកាត់នោះទេ
- 2020-10-19 13:33:52
- ចំនួនមតិ 0 | ចំនួនចែករំលែក 0
គ្មានការពិន័យលើ អ្នកចាំទីដែលធ្វើឲ្យ Van Dijk របួសដល់ថ្នាក់វះកាត់នោះទេ
ចន្លោះមិនឃើញ
អ្នកចាំទី Everton កីឡាករ Jordan Pickford នឹងមិនរងការពិន័យអ្វីពីសមាគមបាល់ទាត់អង់គ្លេសនោះទេ ទោះជាខ្លួនបានបង្កឲ្យខ្សែការពារ Liverpool កីឡាករ Virgil Van Dijk រងរបួស ដល់ថ្នាក់ខកខានលេងយ៉ាងតិច ៦ខែ នេះបើតាមការចុះផ្សាយព្រោងព្រាតរបស់សារព័ត៌មានបាល់ទាត់ប្រទេសអង់គ្លេស។
ខាង FA យល់ថា ការពិន័យទៅលើ Pickford នឹងធ្វើឡើង ប្រសិនបើអាជ្ញាកណ្ដាលដឹកនាំការប្រកួត និងទីស្នាក់ការវីដេអូជំនួយអាជ្ញាកណ្ដាល VAR មើលមិនឃើញនូវកំហុសរបស់កីឡាកររូបនេះ។
អំឡុងប្រកួតរវាង Everton និងក្លឹប Liverpool កាលពីថ្ងៃសៅរ៍ កន្លងទៅ អ្នកចាំទីអង់គ្លេស Pickford បានហក់ទៅឈូសស្លាយ និងកៀបប្រឡោះជើង Van Dijk យ៉ាងពេញទំហឹង ក្នុងគោលបំណងការពារកុំឲ្យកីឡាកររូបនេះរកគ្រាប់បាល់ ក្រោយមានការទាត់ក្រោះពីខ្សែបម្រើ Fabinho។
នៅតាមកញ្ចក់ទូរទស្សន៍ Van Dijk សម្ដែងសេចក្ដីឈឺចាប់យ៉ាងអនេក ដែលធ្វើឲ្យគេបង្ខំចិត្តដើរចេញពីការប្រកួតត្រឹមនាទីទី១១។ គ្រប់គ្នានឹកស្មានថា អាជ្ញាកណ្ដាលប្រាកដជាផ្ដល់កាតក្រហមទៅកាន់ Pickford ហើយឲ្យបាល់ពិន័យ ១១ម៉ែត្រទៅកាន់ Liverpool។ ប៉ុន្តែគ្រប់ការរំពឹងទុកខុសស្រឡះ ក្រោយអាជ្ញាកណ្ដាល និង VAR សម្រេចឲ្យបាល់ហ្វ្រីឃីកទៅ Everton ក្រោមមូលហេតុដែល ស្មារបស់ Van Djik ស្ថិតនៅជំហរក្រៅល្បែង (Offside)។
Van Djik ត្រូវវះកាត់ជង្គង់របស់ខ្លួន ដែលអាចឲ្យកីឡាកររូបនេះខកខានបង្ហាញខ្លួនយ៉ាងតិច ៦ខែ ហើយអាចនឹងមិនលេងសោះតែម្ដងក្នុងរដូវកាល ២០២០/២១នេះ៕
ខាងក្រោមនេះជាវីដេអូ Pickford ឈូស Van Dijk៖
