លេចរឿង Juventus ត្រៀមកញ្ចប់ទឹកប្រាក់មហាសាលបូកជាមួយ CR7 ផ្ទេរយក Mbappe

2020-10-16 02:07:55
បាល់ទាត់

2020-10-16 02:07:55
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្លឹប Juventus ត្រូវបានរាយការណ៍កំពុងត្រៀមបំបែកកំណត់ត្រាផ្ទេរក្នុងតម្លៃ៣៦០លានផោនដើម្បីព្យាយាមទិញយក Kylian Mbappe ហើយ Cristiano Ronaldo ក៏ស្ថិតក្នុងការដោះដូរទៅកាន់ PSG វិញដែរ។

ក្លឹបរហស្សនាមសេះបង្កង់ប៉ងចង់បាន Mbappe ជាខ្លាំង ដែលគ្រប់គ្នាគិតថាជាកីឡាករវ័យក្មេងល្អជាងគេម្នាក់នាពេលបច្ចុប្បន្ន ហើយអាចនឹងបង្កងព្យុះភ្លៀងនៅទសវត្សរ៍ថ្មី។ តាមសារព័ត៌មាន Tuttosport ឲ្យដឹងថា Juventus ដឹងពួកគេមិនអាចមាន Mbappe និង Ronaldo ក្នុងពេលតែមួយទេ ដូច្នេះត្រូវតែដាក់កីឡាករសញ្ជាតិព័រទុយហ្គាល់ក្នុងលក្ខខណ្ឌផ្ទេរនៅរដូវក្ដៅក្រោយ។

Ronaldo ដែលនឹងឈានដល់វ័យ៣៦ឆ្នាំនៅពេលខាងមុខនៅសល់កុងត្រារហូតដល់ឆ្នាំ២០២២ជាមួយ Juventus និងមានថ្លៃនឿយហត់៥៤ម៉ឺនផោនក្នុងមួយសប្ដាហ៍។ បច្ចុប្បន្នគេកំពុងដាក់ឲ្យនៅដាច់ដោយឡែក បន្ទាប់ពីតេស្ដវិជ្ជមានវីរុសកូរ៉ូណា។

តែបានប្រភពមួយទៀតថា PSG ទំនងអាចនឹងមិនទទួលសំណើរបស់ Juventus ចង់បានទេ។ ត្បិតវាជាការបំបែកកំណត់ត្រាផ្ទេររបស់ Neymar ដែលក្លឹបយក្សរបស់បារាំងមួយនេះបានទិញពីក្លឹប Barcelona ក្នុងតម្លៃ១៦២លានផោនក៏ដោយ៕

ប្រភព៖ Dailymail ប្រែសម្រួល៖ ហេង សុធារិទ្ធិ