- 2020-10-07 12:28:01
- បាល់ទាត់
Smallingថា សប្បាយចិត្តខ្លាំង ដែលបានមកលេងនៅ Roma វិញ
- 2020-10-07 12:28:01
- ចំនួនមតិ 0 | ចំនួនចែករំលែក 0
Smallingថា សប្បាយចិត្តខ្លាំង ដែលបានមកលេងនៅ Roma វិញ
ចន្លោះមិនឃើញ
ខ្សែការពារសញ្ជាតិអង់គ្លេស Chris Smalling បាននិយាយកាលពីពេលថ្មីៗនេះថា គេពិតជាសប្បាយជាខ្លាំង ដែលបានត្រលប់ពីក្លឹប Manchester United មកលេងឲ្យក្លឹប Roma វិញ។
Smalling បាននិយាយថា៖" នៅក្លឹប Man Utd ពិតជាកន្លែងមួយដ៏អស្ចារ្យ ដែលខ្ញុំធ្លាប់ឆ្លងកាត់ជាមួយពួកគេកន្លងមក និងបានបង្រៀនមេរៀនដល់ខ្ញុំច្រើន ដើម្បីឲ្យក្លាយជាកីឡាករល្អ និងមនុស្សល្អ ដែលអាចចុះសម្រុងជាមួយគេក្នុងក្រុម។ ខ្ញុំនឹងចងចាំពួកគេរហូតទៅ "។
កីឡាកររូបនេះបានបន្តថា៖" តែអ្វីដែលធ្វើឲ្យខ្ញុំសប្បាយចិត្តបំផុតនោះគឺបានមកលេងឲ្យ Roma វិញ។ ដូចមនុស្សគ្រប់គ្នាដឹងហើយ ខ្ញុំចង់ត្រលប់មកលេងឲ្យក្លឹបនេះណាស់ "។
គួរបញ្ជាក់ផងដែរថា Smalling បានមកលេងឲ្យ Roma ជាផ្លូវការតាំងពីថ្ងៃទី០៥ ខែតុលា ឆ្នាំ២០២០ និងបញ្ចប់កុងត្រាទៅវិញនៅឆ្នាំ ២០២៣ខាងមុខ៕