- 2020-09-14 08:18:36
- បាល់ទាត់
Avatar FC ប៉ះ Khmer United វគ្គផ្ដាច់ព្រ័ត្រដណ្ដើមប្រាក់ ៥០០០ដុល្លារ ពាន KW Cambodia Cup
- 2020-09-14 08:18:36
- ចំនួនមតិ 0 | ចំនួនចែករំលែក 0
Avatar FC ប៉ះ Khmer United វគ្គផ្ដាច់ព្រ័ត្រដណ្ដើមប្រាក់ ៥០០០ដុល្លារ ពាន KW Cambodia Cup
ចន្លោះមិនឃើញ
ក្រុមបាល់ទាត់ Avatar FC បង្ហាញថ្វីជើងអស្ចារ្យទម្លាក់ក្រុមខ្លាំង ISI DSC បានឱកាសឡើងទៅវគ្គផ្ដាច់ព្រ័ត្រជាមួយក្រុម Khmer United ដណ្ដើមពានរង្វាន់ KW Cambodia Cup ២០២០ អមដោយទឹកប្រាក់ ៥០០០ដុល្លារ។
ការប្រកួតរវាង Avatar FC និង ISI DSC ប្រើពេលជិត៨០នាទីទៅហើយទើបមានគ្រាប់បាល់ ១-០ ប៉ុន្តែសល់តែជាង១០នាទីបញ្ចប់ការប្រកួត ការវ៉ៃបកគ្នាទៅវិញទៅមកក៏មាន២គ្រាប់ទៀតដោយមិនត្រូវការចាំបាច់ទាត់បាល់ ១១ម៉េត្រ បន្ថែមដើម្បីសេចក្ដីនោះទេ។
ក្រុម ISI DSC មានឱកាសនាំមុខ១គ្រាប់ទៅហើយ ប៉ុន្តែហាក់មិនសូវមានសន្ទុះបន្តទៀត ខណៈ Avatar FC ព្យាយាមសម្រុកតាមដែលអាចធ្វើទៅបានរហូតតាមស្មើ ១-១ និងបន្តបុកបន្ថែមទៀតយកឈ្នះវិញដោយលទ្ធផល ២-១ បញ្ចប់ការប្រកួតតែម្ដង។ ការយកឈ្នះនេះក៏ជាការសងសឹកវិញដែរចំពោះក្រុម ISI DSC ដែលធ្លាប់ឈ្នះក្រុមរបស់ពួកគេ ៣-១ ក្នុងការប្រកួតពានរង្វាន់ KW Cambodia League ថ្មីៗនេះ។
ចំណែក១គូទៀតនោះ Khmer United បានយកឈ្នះក្រុម Riel Phnom Penh ៤-១ ផងដែរកាលពីថ្ងៃសៅរ៍បានឡើងទៅវគ្គផ្ដាច់ព្រ័ត្រជាបន្តទៀត។ វគ្គផ្ដាច់ព្រ័ត្រពានរង្វាន់ KW Cambodia Cup នឹងត្រូវធ្វើឡើងនៅថ្ងៃទី២៧ ខែកញ្ញា ឆ្នាំ២០២០ គឺក្រុម Khmer United ប៉ះ Avatar FC ។ ក្រុមដែលឈ្នះពានរង្វាន់នេះនឹងទទួលបានប្រាក់រង្វាន់ ៥០០០ដុល្លារ៕
