/5efd4873a0bfd_1593657420_medium.jpg)
- 2020-07-02 02:56:32
- បាល់ទាត់
Paul Omogba៖ ក្នុងដីរបស់យើង យើងនឹងធ្វើឲ្យបានល្អបំផុត
- 2020-07-02 02:56:32
- ចំនួនមតិ 0 | ចំនួនចែករំលែក 0
Paul Omogba៖ ក្នុងដីរបស់យើង យើងនឹងធ្វើឲ្យបានល្អបំផុត
ចន្លោះមិនឃើញ
ការប្រកួតដ៏តានតឹងមួយរវាងម្ចាស់ផ្ទះភ្នំពេញក្រោន និងវិសាខា នឹងចាប់ផ្ដើមនៅថ្ងៃអាទិត្យសប្ដាហ៍នេះ នៅកីឡដ្ឋាន Smart RSN។ ជាមួយនឹងការមកដល់នេះ ខ្សែបម្រើភ្នំពេញក្រោន Esoh Paul Omogba បានលើកឡើងលើគេហទំព័រក្លឹបថា គេនឹងធ្វើឱ្យបានល្អបំផុតតាមដែលអាចធ្វើបាន។
កីឡាករសញ្ជាតិនីហ្សេរីយ៉ា បញ្ជាក់ថា ៖«យើងបានរង់ចាំការប្រកួតធំមួយនេះរយៈពេល២ទៅ៣ខែហើយ ក្រុមរបស់យើងពិតជារំភើបណាស់ សម្រាប់ការត្រឡប់មកវិញនៃការប្រកួតបាល់ទាត់។ ចំពោះការប្រកួតដ៏ធំខាងមុខនេះ គឺយើងដឹងហើយថា ក្រុមទាំងពីរសុទ្ធតែមានការរៀបចំយ៉ាងល្អរៀងៗខ្លួន ព្រោះកីឡាករសុទ្ធតែល្អៗ។ យើងជឿជាក់ថាយើងត្រៀមខ្លួនរួចហើយក្នុងការប្រកួតប្រជែង។ សម្រាប់ក្នុងដីរបស់យើង យើងនឹងធ្វើឲ្យបានល្អបំផុត តាមដែលអាចធ្វើបាន»។
Omogba បន្ថែមថា គេនិងក្រុមទាំងមូល បានត្រៀមរួចរាល់ហើយ ទាំងកម្លាំងកាយចិត្ត និងស្មារតី ហើយប្ដេជ្ញានឹងខំប្រឹងប្រែង ដើម្បីទទួលបានជ័យជម្នះសម្រាប់ក្លឹប និងអ្នកគាំទ្រ ជាពិសេសរក្សាតំណែងលេខមួយក្នុងតារាងចំណាត់ថ្នាក់ឱ្យដល់ទីបញ្ចប់។
តាមការបញ្ជាក់របស់អតីតកីឡាករបឹងកេត និងណាហ្គាវើលដ៍នៅព្រឹកនេះ រូបគេបានជាពីរបួសសរសៃពួរ១០០% ហើយថែមទាំងបានខំហ្វឹកហាត់យ៉ាងខ្លាំងក្លាជាមួយក្រុម ដើម្បីត្រៀមប្រយុទ្ធលើសមរភូមិវាលស្មៅជាថ្មីម្ដងទៀត៕
