- 2020-07-02 00:30:00
- ប្រដាល់
ខេង សុងហួ៖ ខ្ញុំជួយអ្នកប្រដាល់គឺចង់ឲ្យអ្នកផ្សេងទៀតជួយដូចខ្ញុំដែរ
- 2020-07-02 00:30:00
- ចំនួនមតិ 0 | ចំនួនចែករំលែក 0
ខេង សុងហួ៖ ខ្ញុំជួយអ្នកប្រដាល់គឺចង់ឲ្យអ្នកផ្សេងទៀតជួយដូចខ្ញុំដែរ
ចន្លោះមិនឃើញ
បុរសចិត្តធម៌ ខេង សុងហួ ទូរស័ព្ទ គ្រឿងអេឡិចត្រូនិក ថវិកា សម្ភារៈមួយចំនួនដែលធ្លាប់ជួយអ្នកប្រដាល់នេះគឺចង់ឲ្យអ្នកស្រឡាញ់គាំទ្រផ្សេងៗងាកមកចាប់អារម្មណ៍ជួយកីឡាករបន្ថែមទៀតដើម្បីឲ្យពួកគេមានទឹកចិត្តតស៊ូតទៅមុខ។
លោក ខេង សុងហួ បានឲ្យដឹងថា ចំពោះការជួយជាទូរស័ព្ទ គ្រឿងអេឡិចត្រូនិកប្រើប្រាស់ផ្សេងដល់កីឡាករកន្លងទៅនោះ មិនជាធំដុំ ឬច្រើនណាស់ណាទេពោលធ្វើតាមលទ្ធភាពដែលខ្លួនមាន។ ក្នុងនោះដែរថវិកាដែលយកទៅជួយក្រុមកីឡាករនោះ គឺបានមកពីការដកភាគរយចេញពីការលក់ទូរស័ព្ទរបស់លោកតែម្ដង។
ម្ចាស់ហាងលក់ទូរស័ព្ទគុនខ្មែរខាងលើនេះបន្តប្រាប់ទៀតថា ខ្លួនជួយអ្នកប្រដាល់នេះគឺមានគោលបំណង២ធំៗ៖ ទី១ ចង់ឲ្យអ្នកផ្សេងៗ ឬអ្នកមានធនធានគេបានឃើញអាចនឹងជួយដល់កីឡាករដែរដូចជាថវិកា សម្ភារជាដើម ដើម្បីបានប្រាក់កម្រៃទាំងនោះយកទៅទិញថ្នាំក៏ដូចជាប្រើប្រាស់តាមតម្រូវការ។ ទី២ គឺចង់លើកទឹកចិត្តដល់កីឡាករដែលទទួលបានជ័យជម្នះពិសេស ឈ្នះកម្មវិធីធំៗ ព្រោះជាការលើកទឹកចិត្តដែលអ្នកទាំងនោះបានខំប្រឹងប្រែងហ្វឹកហាត់រហូតជោគជ័យបែបនេះ។
គួរឲ្យដឹងថា លោក ខេង សុងហួ ជាម្ចាស់ហាងទូរស័ព្ទគុនខ្មែរនៅឯឃុំរកាកោង២ ជាប់ផ្សារចុងព្រែក វត្តសេះស។ លោកធ្លាប់ជួយជាទូរស័ព្ទដល់កីឡាករ កែវ រំចង់ សែន រ៉ាដេត សារឹម វណ្ណថន និងសម្ភារៈអេឡិចត្រូនិកជាច្រើន មិនត្រឹមតែប៉ុណ្ណោះទេក៏ធ្លាប់ជួយជាថវិកាដល់ក្លឹប និងកីឡាកររបួសផងដែរនាពេលកន្លងទៅនេះ៕
