• 2020-05-20 06:12:15
  • បាល់ទាត់

Courtois នៅ​តែ​ជឿ​ថា​ Real Madrid នឹង​ឈ្នះ​ LaLiga រដូវ​កាល​នេះ​

  • 2020-05-20 06:12:15
  • ចំនួនមតិ 0 | ចំនួនចែករំលែក 0

ចន្លោះមិនឃើញ

Thibaut Courtois សម្លឹង​ការ​ឈ្នះ​ពាន​លីគ​កំពូល​លើក​ដំបូង​រដូវ​កាល​នេះ​ជាមួយ​ Real Madrid នៅ​ពេល​ក្របខ័ណ្ឌ​ LaLiga គ្រោង​ត្រឡប់​មក​វិញ​នៅ​ពាក់​កណ្ដាល​ខែ​មិថុនា​។​

ក្របខ័ណ្ឌ​អេស្ប៉ាញ​បាន​ផ្អាក​មួយ​រយៈ​ធំ​តាំង​ពី​ខែ​មិនា​ដោយ​សារ​វិបត្តិ​មេរោគ​កូរ៉ណា​ ឬ​កូវីដ​-១៩​ ចំ​ពេល​ដែល​​ Barcelona កំពុង​នាំ​មុខ​កំពូល​តារាង​ចំនួន​២​ពិន្ទុ​លើ​ Real Madrid ដែល​ឈរ​លេខ​ពីរ​ ខណៈ​នៅ​សល់​មិន​ដល់​១០​ប្រកួត​ទៀត​ទេ​ LaLiga នឹង​បិទ​រដូវ​កាល​ហើយ។​

Courtois បាន​និយាយ​ថា៖ "គ្រប់​គ្នា​​ក្នុង​ក្រុម​កំពុង​អន្ទះសា​ចង់​ប្រកួត​សារ​ជា​ថ្មី​ និង​ចង់​ឈ្នះ​ពាន​​លីគ​កំពូល​។ ពួក​យើង​ទន្ទឹង​រង់​ចាំ​ការ​វិល​ចូល​ទីលាន​វិញ​ក្រោយ​អាក់ខាន​ជិត​២​ខែ​កន្លង​មក​។ ការ​ហ្វឹកហាត់​នៅ​ផ្ទះ​គឺ​មាន​ការ​លំបាក​ ប៉ុន្តែ​ខ្ញុំ​ជឿ​ថា​សមាជិក​ដទៃ​ទៀត​ធ្វើ​បាន​ល្អ​ដើម្បី​ត្រៀម​លក្ខណៈ​សម្រាប់​ការ​ប្រកួត​ពិត​មក​ដល់​"៕

ប្រភព៖ Sport English ប្រែសម្រួល៖ សៀនហួរ

មតិយោបល់