Billy បង្ហើបថាគេចូលចិត្តមើលកីឡាករ៤នាក់នេះ ជាង Ronaldo និង Messi

2020-04-28 03:02:57
បាល់ទាត់

2020-04-28 03:02:57
ចំនួនមតិ 0 | ចំនួនចែករំលែក 0

ចន្លោះមិនឃើញ

ចំណងជើងធំៗលើគេហទំព័រ Daily Mail បានបញ្ជាក់ថា Billy Gilmour របស់ Chelsea ទទួលបានកការលើកទឹកចិត្តខ្លាំង (Inspire) ដោយកីឡាករ Barcelona និងអេស្ប៉ាញបួនរូបគឺ Andres Iniesta, Xavi, Cesc Fabregas និង Sergio Busquets ហើយខ្សែបម្រើរូបនេះ ចូលចិត្តមើលពួកគេលេងជាង Ronaldo ខ្សែប្រយុទ្ធព័រទុយហ្គាល់ និង Messi របស់អាហ្សង់ទីន។

ខ្សែបម្រើ Billy Gilmour របស់ Chelsea

យុវជនវ័យ១៨ឆ្នាំ Billy បានបញ្ជាក់៖ «ពេលខ្ញុំនៅក្មេង ខ្ញុំធ្លាប់មើល Cristiano Ronaldo និង Lionel Messi ដូចអ្នករាល់គ្នាដែរ។ ប៉ុន្តែពេលខ្ញុំចាប់ផ្ដើមវិភាគការលេងរបស់ខ្ញុំ ខ្ញុំគិតថាអ្នកណាខ្ញុំចង់អភិវឌ្ឍខ្លួនឱ្យដូច។ វាមានច្រើនដូចជា Andres Iniesta, Xavi, Cesc Fabregas គឺកីឡាករទាំងនោះហើយ។ របៀបពួកគេបញ្ជូនបាល់ យកបាល់ អ្វីៗគឺច្បាស់។ Sergio Busquets ក៏ដូចគ្នា។ ពេលអ្នកមើល Barcelona ហើយអ្នកមើល Busquets ជាពិសេសចំពោះអ្វីៗកើតឡើងជុំវិញគាត់»។

បើតាមសម្ដីរបស់ Billy កើតនៅទីក្រុង Glasgow ប្រទេសស្កុតឡែន កីឡាករប្រភេទនេះហើយ ដែលគេតាមស្វែងរក ព្រោះពួកគេជាកីឡាករបានបាល់ហើយ ធ្វើឱ្យអ្វីមួយកើតឡើង។

Billy Gilmour លេងឈុតយុវជនជម្រើសជាតិស្កុតឡែន U21 ចាប់តាំងពីឆ្នាំ២០១៨ បង្ហាញខ្លួនបាន១២ប្រកួត រកបាន១គ្រាប់។ គេធ្លាប់ជាកីឡាករយុវជនក្លឹប Rangers ក្នុងឆ្នាំ២០០៩-២០១៧ និង២០១៧ លេងនៅក្លឹបយុវជន Chelsea។ ឆ្នាំ២០១៩ រហូតដល់បច្ចុប្បន្ន គេបានចូលលេងឱ្យឈុតធំរបស់អ្នកចាត់ការសញ្ជាតិអង់គ្លេស Prank Lampard ដោយបង្ហាញខ្លួនបាន៣លើក និងមិនទាន់រកគ្រាប់បាល់បាននៅឡើយទេ៕