- 2020-04-09 01:29:01
- បាល់ទាត់
ទីតាំងឃុំខ្លួន Ronaldinho ជាសណ្ឋាគារលំដាប់ផ្កាយ៤អាចសោយសុខស្រួលជាងមុន
- 2020-04-09 01:29:01
- ចំនួនមតិ 0 | ចំនួនចែករំលែក 0
ទីតាំងឃុំខ្លួន Ronaldinho ជាសណ្ឋាគារលំដាប់ផ្កាយ៤អាចសោយសុខស្រួលជាងមុន
ចន្លោះមិនឃើញ
វីរបុរសរបស់ប្រេស៊ីល Ronaldinho ត្រូវបានបញ្ជូនឲ្យនៅឃុំខ្លួនក្នុងផ្ទះ បន្ទាប់ពីតុលាការសម្រេចដោះលែងចេញពីពន្ធនាគារក្នុងប្រទេសប៉ារ៉ាហ្គាយ។
យ៉ាងណាអតីតកីឡាកររបស់ក្លឹប Barcelona មិនមានឃុំខ្លួននៅផ្ទះធម្មតាទេ គឺនៅសណ្ឋាគារទំនើបលំដាប់ផ្កាយ៤។ គេនៅតែបន្តស្ថិតក្រោមការស៊ើបអង្កេតសម្រាប់ការប្រើប្រាស់លិខិតឆ្លងដែនក្លែងក្លាយ ត្រូវចាប់ខ្លួនកាលពីថ្ងៃទី ៦ ខែ មីនាជាមួយបងប្រុសរបស់គេ Roberto។
ពួកគេត្រូវប្រឈមមុខជាប់គុករយៈពេល៦ខែ។ ប៉ុន្តែក្រោយបង់ប្រាក់អស់១,៣លានផោនរួចមក បងប្អូនទាំងពីរត្រូវសម្រេចដោះលែងឃុំខ្លួននៅផ្ទះវិញ ក្នុងសណ្ឋាគារ Palmarogo ដែលមានទីតាំងក្នុងទីក្រុង Asuncion ប្រទេសប៉ារ៉ាហ្គាយ។
សម្រាប់សណ្ឋាគារមួយនេះជាទីតាំងទំនើបលំដាប់ផ្កាយ៤ មានអាងហែលទឹកនៅដំបូល បន្ទប់គេងរៀបចំយ៉ាងល្អប្រណិត។ អាចនេះបានថា ការចំណាយលុយដ៏ច្រើនគឺដើម្បីរស់សោយសុខស្រួលជាងមុន ប្រសើរជាជាងជាប់ក្នុងគុក៕
