- 2020-02-10 04:02:00
- បាល់ទាត់
Zidane ថាគេចង់ឱ្យលោក និង Real មានបញ្ហាជាមួយ Gareth Bale
- 2020-02-10 04:02:00
- ចំនួនមតិ 0 | ចំនួនចែករំលែក 0
Zidane ថាគេចង់ឱ្យលោក និង Real មានបញ្ហាជាមួយ Gareth Bale
ចន្លោះមិនឃើញ
ក្រោយពី Gareth Bale មិនសូវជាប់ជម្រើស១១នាក់ មិនសូវបានលេង ហើយថ្មីៗនេះកីឡាករសញ្ជាតិវែល មិនត្រូវលោក Zinedine Zidane ដាក់ឱ្យលេងទល់នឹងក្រុម Atletico Madrid រួមទាំងដំណឹងចេញពី Real Madrid នាពេលកន្លងទៅ បានធ្វើឱ្យមានសំណួរជាច្រើន ចោទសួរទៅកាន់អ្នកចាត់ការសញ្ជាតិបារាំង។
ក្នុងសន្និសីទសារព័ត៌មានកាលពីថ្ងៃអាទិត្យ ក្រោយក្រុមរបស់ខ្លួនយកឈ្នះ Osasuna ៤-១ លោក Zidane បានឱ្យថា Real Madrid និងរូបលោក គ្មានបញ្ហាអ្វីជាមួយ Gareth Bale ឡើយ ហើយព័ត៌មានមិនល្អទាំងនោះ ដោយសារពួកគេចង់ឱ្យក្លឹបស្ដេចសនិងលោក មានបញ្ហាជាមួយ Bale តែប៉ុណ្ណោះ។
"គាត់ (Bale) ជាកីឡាករល្អម្នាក់។ បញ្ហានៅត្រង់ថា ពួកគេចង់ឱ្យយើងមានបញ្ហាជាមួយ Gareth ប៉ុន្តែយើងគ្មានបញ្ហាអ្វីឡើយសូម្បីតែមួយ"។
អ្នកចាត់ការវ័យ៤៧ឆ្នាំបន្តថា មានកីឡាករច្រើន ដូច្នេះលោកមិនងាយស្រួលក្នុងការគ្រប់គ្រងឡើយ។ Bale ជាកីឡាករដ៏សំខាន់ម្នាក់ Real នៅតែត្រូវការ ហើយខ្សែប្រយុទ្ធវ័យ៣០ឆ្នាំ នឹងនៅតែអាចលេងបានធម្មតាដូចកីឡាករផ្សេងដែរ។
ការប្រកួត Real Madrid ឈ្នះ Osasuna ៤-១ អតីតខ្សែប្រយុទ្ធកីឡាករ Southampton ត្រូវលោក Zidane ដាក់ឱ្យលេង ៧១នាទី ហើយក៏ត្រូវបានអ្នកចាត់ការក្រុមសញ្ជាតិបារាំងរូបនេះ សរសើរ ល្អទាំងការពារ និងប្រយុទ្ធ៕
