- 2020-01-13 03:13:27
- បាល់ទាត់
មិនមែនរឿងចៃដន្យ Courtois ប្រាប់ពីយុទ្ធសាស្ត្រសង្គ្រោះបាល់ប៉េណាល់ទី
- 2020-01-13 03:13:27
- ចំនួនមតិ 0 | ចំនួនចែករំលែក 0
មិនមែនរឿងចៃដន្យ Courtois ប្រាប់ពីយុទ្ធសាស្ត្រសង្គ្រោះបាល់ប៉េណាល់ទី
ចន្លោះមិនឃើញ
អ្នកចាំទី Thibaut Courtois បានសង្គ្រោះបាល់យ៉ាងអស្ចារ្យពីការទាត់របស់កីឡាករ Thomas Partey អំឡុងពេល Real Madrid ឈ្នះបាល់ប៉េណាល់ទីលើក្រុម Atletico Madrid យប់មិញ។
កីឡាករសញ្ជាតិបែលហ្ស៊ិកបានពន្យល់ថា គេបានត្រៀមរួចជាសម្រេចសម្រាប់ការទាត់ប៉េណាល់ទី ដែលជាហេតុធ្វើឲ្យគេដឹងថា Partey នឹងត្រៀមទាត់ទៅជ្រុងណា។ "ខ្ញុំបានសិក្សាពីពួកគេនៅកន្លែងកីឡាករអង្គុយ"។ សម្ដីរបស់ Courtois ប្រាប់ពីយុទ្ធសាស្ត្រមុនត្រៀមចាប់ប៉េណាល់ទី។
Courtois បន្តទៀតថា៖ "Saul បានធ្វើឲ្យខ្ញុំរំភើបតិចតួចប៉ុណ្ណោះ ប៉ុន្តែសម្រាប់ Partey ខ្ញុំដឹងច្បាស់ណាស់។ ខ្ញុំគិតថា ខ្ញុំបានជួយសង្គ្រោះបានល្អណាស់ ព្រោះគេបានទាត់បាល់ខ្លាំងណាស់ពេលនោះ។ ចប់ប្រកួតនេះពួកយើងនឹងបន្តប៉ះ Sevilla”។
Courtois ក៏ទទួលបានសំនួរថា តើគេគិតថាខ្លួនឯងជាអ្នកចាំទីល្អជាងគេលើលោកទេ។ កីឡាករវ័យ២៧ឆ្នាំឆ្លើយថា គេមិនមានអ្វីនិយាយលើរឿងនេះទេ។ តែគេគិតថា ខ្លួនឯងជាអ្នកចាំទីល្អម្នាក់និងប្រឹងព្យាយាមបន្ថែមទៀត៕
