/5dde7081a721d_1574858880_medium.jpg)
- 2019-11-27 12:50:07
- បាល់ទាត់
Enrique សុខចិត្តដេញ អតីតជំនួយការខ្លួន ដោយសារតែរឿងខ្វះភាពស្មោះត្រង់
- 2019-11-27 12:50:07
- ចំនួនមតិ 0 | ចំនួនចែករំលែក 0
Enrique សុខចិត្តដេញ អតីតជំនួយការខ្លួន ដោយសារតែរឿងខ្វះភាពស្មោះត្រង់
ចន្លោះមិនឃើញ
លោក Luis Enrique គ្រូបង្គោលក្រុមជម្រើសជាតិអេស្ប៉ាញ បាននិយាយត្រង់ៗនៅសន្និសីទសារព័ត៌មានថា អតីតជំនួយការរបស់លោក Robert Monreno ជាមនុស្សខ្វះភាពស្មោះត្រង់។
លោកបាននិយាយថា៖ " ខ្ញុំជាមនុស្សដែលបញ្ចប់តំណែងរបស់ Moreno។ ពួកយើងបានជួបគ្នាម្ដង កាលពីថ្ងៃទី១២ ខែកញ្ញា នៅផ្ទះរបស់ខ្ញុំ ហើយជាពេលតែមួយគត់ដែលពួកយើងបានជួបគ្នា។ យើងនិយាយគ្នា ៣០នាទី ហើយខ្ញុំយល់ថា Moreno ចង់ដឹកនាំក្រុមអេស្ប៉ាញក្នុង Euro ឆ្នាំក្រោយ បន្ទាប់មកឲ្យខ្ញុំមកដឹកនាំអេស្ប៉ាញវិញ ដោយធ្វើជំនួយការរបស់ខ្ញុំ " ។
លោកបានបន្តថា៖ " ខ្ញុំយល់ថា Moreno មានមហិច្ឆតា ហើយសមត្ថភាពគេក៏គួរឲ្យសរសើរ ប៉ុន្តែវាអំពើខ្វះភាពស្មោះត្រង់ចំពោះខ្ញុំ។ ខ្ញុំប្រាប់ហើយថា ខ្ញុំចង់មកដឹកនាំអេស្ប៉ាញវិញ […] ខ្ញុំគ្មានមូលហេតុដែលរិះគន់រឿងវិជ្ជាជីវៈរបស់ Moreno តែរឿងផ្ទាល់ខ្លួនខ្ញុំសុំនិយាយបន្តិចហើយ " ។
លោក Enrique និងលោក Moreno បានធ្វើការជាមួយគ្នាជាច្រើនឆ្នាំហើយ ទាំងនៅ Barcelona និងក្រុមជម្រើសជាតិអេស្ប៉ាញ។ តាមពិតទៅ Moreno បានឡើងជំនួសតំណែងនៅក្រុមអេស្ប៉ាញនៅពេលដែលលោក Enrique អវត្តមាន មុននឹងផ្ទេរតំណែងទៅឲ្យអតីតគ្រូបង្គោល Barcelona នេះវិញក្នុងពេលថ្មីៗនេះ៕
