/Boeung-Vs-Visakha-Semifinal/5d82eed3237e2_1568861880_medium.jpg)
- 2019-09-19 03:15:04
- បាល់ទាត់
គ្រូបឹងកេតថា វឌ្ឍនាកា អាចមានឱកាសអាចជាប់ជម្រើសជាតិម្តងទៀត
- 2019-09-19 03:15:04
- ចំនួនមតិ 0 | ចំនួនចែករំលែក 0
គ្រូបឹងកេតថា វឌ្ឍនាកា អាចមានឱកាសអាចជាប់ជម្រើសជាតិម្តងទៀត
ចន្លោះមិនឃើញ
ការប្រកួតពានរង្វាន់ Hun Sen Cup 2019 ថ្នាក់ជាតិលើកទី១៣ វគ្គពាក់កណ្ដាលផ្ដាច់ព្រ័ត្រ ក្រុមបាល់ទាត់បឹងកេត បានទម្លាក់ក្រុមខ្លាំងវិសាខាក្នុងលទ្ធផល៤-០ កាលពីថ្ងៃទី ១៨ ខែកញ្ញា ឆ្នាំ២០១៩ ម្សិលមិញនេះនៅពហុកីឡដ្ឋានជាតិអូឡាំពិក។
លោក ហៅ សុជាតិ គ្រូបង្វឹករបស់ក្លឹបបាល់ទាត់បឹងកេតបានថ្លែងមកកាន់អ្នកសារព័ត៌មានបន្ទាប់ពីចប់ការប្រកួតយ៉ាងដូច្នេះថា៖ «ចំពោះខ្ញុំជាគ្រូ ខ្ញុំគិតថាគាត់អាចមានឱកាសជាប់ជម្រើសជាតិម្ដងទៀត ប៉ុន្តែអ្វីដែលសំខាន់ គ្រូជម្រើសជាតិ គាត់ពេញចិត្តនឹងទម្រង់លេងរបស់គាត់ឬអត់ទេ?»។ លោកបន្តទៀតថា៖ «ចំពោះលទ្ធផលនេះគឺហួសពីការស្មានរបស់យើងហើយ យើងមិននឹកស្មានថារកបាន៤គ្រាប់ជាមួយក្រុមដែលសំបូរដោយកីឡាករល្អៗគឺហួសពីការស្មានរបស់យើង»។ ជ័យជំនះ៤-០នេះគឺ ៣គ្រាប់រកបានដោយកីឡាករឆ្នើម ចាន់ វឌ្ឍនាកា ចំណែកឯ១គ្រាប់ទៀតគឺរកបានដោយកីឡាករបម្រើប្រយុទ្ធ ម៉ុន វ៉ានដា។
រំលឹកដែរថា សម្រាប់លទ្ធផលនេះបឹងកេតបានកក់កៅអីវគ្គផ្ដាច់ព្រ័ត្រទុកបាត់ទៅហើយ ពោលគឺរង់ចាំមើលតែលទ្ធផលរវាង ព្រះខ័នរាជស្វាយរៀង និងភ្នំពេញក្រោនតែប៉ុណ្ណោះ ដែលក្រុមទាំងប្រកួតកាត់សេចក្ដីនៅល្ងាចនេះតែម្ដង៕
