- 2019-08-20 03:19:28
- បាល់ទាត់
ម្ដាយ Balotelii យំហ៊ូ ពេលដឹងកូនប្រុសទៅចូលរួមក្លឹបមួយនេះ
- 2019-08-20 03:19:28
- ចំនួនមតិ 0 | ចំនួនចែករំលែក 0
ម្ដាយ Balotelii យំហ៊ូ ពេលដឹងកូនប្រុសទៅចូលរួមក្លឹបមួយនេះ
ចន្លោះមិនឃើញ
Mario Balotelli បានទម្លាយឲ្យដឹង ម្ដាយរបស់គេបានយំ ពេលដែលគេប្រាប់ម្ដាយថា គេបានចូលរួមជាមួយក្លឹបនៅស្រុកកំណើត Brescia ដែលជាក្លឹបកំពុងលេងនៅ Serie A។
Balotelli ក៏បានបញ្ជាក់ គេមិនមានការភ័យខ្លាចចំពោះការបរាជ័យក្នុងការវិលត្រឡប់មកកាន់ Serie A វិញឡើយ បន្ទាប់ពីអវត្តមានក្នុងលីកកំពូលរបស់អ៊ីតាលីអស់រយៈពេល៣ឆ្នាំ។ កីឡាករវ័យ២៩ឆ្នាំកើតនៅទីក្រុង Palermo ប៉ុន្តែបានផ្លាស់មកនៅទីក្រុង Brescia នៅអាយុ២ឆ្នាំ ហើយគ្រួសាររបស់គេបន្តរស់នៅទីនោះរហូត ទោះបីឪពុករបស់គេស្លាប់ក្នុងឆ្នាំ២០១៥ក៏ដោយ។
និយាយក្នុងសន្និសីទកាសែតជាលើកដំបូងកាលពីថ្ងៃច័ន្ទ អតីតកីឡាករ Man City ថា៖ "ម្ដាយរបស់ខ្ញុំយំភ្លាមៗ ពេលដែលខ្ញុំប្រាប់គាត់ថា ខ្ញុំបានផ្លាស់ទៅក្លឹប Brescia … គាត់សម្រាប់ចិត្តខ្លាំងណាស់”។ Balotelli មកដល់ក្លឹប Brescia ដោយគ្មានតម្លៃខ្លួន បន្ទាប់ពីអស់កុងត្រាជាមួយ Marseille។
ពេលវេលាចុងក្រោយដែលគេនៅអ៊ីតាលី គឺលេងជាមួយ AC Milan ក្នុងនាមជាកីឡាករខ្ចីជើងមួយរដូវកាល ទាត់ចូលតែមួយគ្រាប់គត់ មុនពេលផ្លាស់ទៅ Liverpool ក្នុងឆ្នាំ២០១៦៕
