- 2019-03-26 00:29:40
- បាល់ទាត់
យប់នេះ កម្ពុជាប៉ះឆាយនិសតៃប៉ិ ត្រូវការឈ្នះដើម្បីចារទុកជាប្រវត្តិ
- 2019-03-26 00:29:40
- ចំនួនមតិ 0 | ចំនួនចែករំលែក 0
យប់នេះ កម្ពុជាប៉ះឆាយនិសតៃប៉ិ ត្រូវការឈ្នះដើម្បីចារទុកជាប្រវត្តិ
ចន្លោះមិនឃើញ
វេលាម៉ោង៨យប់បេះ ក្រុមកម្ពុជាអាយុ២៣ឆ្នាំ និងក្រុមឆាយនិសតៃប៉ិត្រូវប្រកួតបញ្ចប់ភារកិច្ចពូល H វគ្គជម្រុះពានរង្វាន់ 2020 AFC U-23 Championship ដែលត្រូវការជ័យជម្នះដូចគ្នាដើម្បីចារកំណត់ត្រា បន្ទាប់ពីលទ្ធផលមិនល្អដូចគ្នាកន្លងមក។
វគ្គជម្រុះក្នុងពូល H ពីរប្រកួតកន្លងមក ក្រុមឆាយនិសតៃប៉ិត្រូវបានដៃគូប្រកួតស៊ុតចូលរហូត១៤គ្រាប់ដោយគ្មានបានស៊ុតចូលដៃគូសូម្បីមួយគ្រាប់ឡើយ។ ប្រកួតលើកទី១ ឆាយនិសតៃប៉ិចាញ់ធ្ងន់កក្រោមថ្វីជើងក្រុមខ្លាំងប្រចាំអាស៊ី កូរ៉េខាងត្បូងដោយលទ្ធផល ៨-០ ហើយប្រកួតលើកទី២ក៏ចាញ់អូស្ត្រាលី ៦-០ ថែមទៀត។
ដោយក្រុមម្ចាស់ផ្ទះកម្ពុជាប្រកួតលើកទី១ចាញ់ក្រុមអូស្ត្រាលីច្រើនគ្រាប់ដែរគឺ ៦-០ ខណៈលើកទី២បន្តចាញ់កូរ៉េខាងត្បូងដោយលទ្ធផល ៦-១ទៀត។ យ៉ាងណា ការប្រកួតពីរលើកកន្លងមក កម្ពុជាហាក់ល្អប្រសើរជាងឆាយនិសតៃប៉ិបន្តិចដោយសារអាចបំបែកពងមាន់កូរ៉េខាងត្បូង និងធ្លាយគ្រាប់បាល់តិចជាង។
បើទោះជាក្រុមកម្ពុជា និងឆាយនិសតៃប៉ិបានធ្លាក់ចេញពីពានរង្វាន់នេះហើយក្តី ប៉ុន្តែក្រុមទាំងពីរត្រូវការជ័យជម្នះរៀងៗខ្លួនដើម្បីចារប្រវត្តិក្នុងពានរង្វាន់ដ៏សំខាន់មួយនេះ។ ដោយឡែកការប្រកួតមួយគូទៀតវេលាម៉ោង៥ល្ងាចនេះ កូរ៉េខាងត្បូង និងអូស្ត្រាលីនឹងបញ្ជាក់ឲ្យច្បាស់ក្រុមណាឈរលេខ១ដើម្បីឡើងទៅជុំផ្តាច់ព្រ័ត្រឆ្នាំ២០២០នៅប្រទេសថៃដោយស្វ័យប្រវត្តិ ខណៈក្រុមលេខ២ក៏មិនទាន់អស់សង្ឃឹមដែរដោយត្រូវអ៊ុតមើលលទ្ធផលជាមួយក្រុមលេខ២នៅពូលផ្សេងៗទៀត។
ការប្រកួតកន្លងនេះកត់សំគាល់ឃើញថា ក្រុមយុវជនកម្ពុជាមានការរីកចម្រើនច្រើនទាំងបច្ចេកទេស និងកម្លាំងកាយ ជាពិសេសស្មារតីប្រកួតដោយមិនចុះញ៉ម ឬខ្លបខ្លាចគូប្រកួតឡើយពោលគឺហ៊ានលេងពោរពេញដោយឆន្ទៈកីឡាដែលនេះជាសញ្ញាល្អសម្រាប់ជម្រើសជាតិកម្ពុជាក្រុមធំ៕
