/sportevezzzzzzzzzzzzzzzzzzzzzzzzzzzzz/raksmey/sportevezzzzzzzzzzzzzzzzzzzzzzzzzzzzzzzzzzzz(5)/sportevezzzzzzzzzzzzzzzzzzzzzzzzzzzzzzzzzzzz(6)/5c8121182bdfa_1551966480_medium.jpg)
- 2019-03-07 13:52:07
- បាល់ទាត់
Muller ប្រតិកម្មនឹងសេចក្ដីសម្រេចចិត្តរបស់គ្រូអាល្លឺម៉ង់
- 2019-03-07 13:52:07
- ចំនួនមតិ 0 | ចំនួនចែករំលែក 0
Muller ប្រតិកម្មនឹងសេចក្ដីសម្រេចចិត្តរបស់គ្រូអាល្លឺម៉ង់
ចន្លោះមិនឃើញ
កាលពីពេលថ្មីៗនេះ គ្រូបង្វឹកក្រុមជម្រើសជាតិអាល្លឺម៉ង់ លោក Joachim Low បានសម្រេចចិត្តមិនជ្រើសរើសកីឡាករដែលរួមចំណែកក្នុងការឈ្នះពានបាល់ទាត់ពិភពលោកឆ្នាំ២០១៤ ចំនួន ៣រូប រួមមានកីឡាករ Bayern Munich ទាំង ៣រូប មានដូចជា ខ្សែការពារ Mats Hummel និង Jerome Boetang និងខ្សែប្រយុទ្ធ Thomas Muller ដើម្បីលេងក្នុងវគ្គជម្រុះ Euro 2020។
ទាក់ទងនឹងរឿងនេះដែរ ខ្សែប្រយុទ្ធក្លឹប Bayern Munich កីឡាករ Thomas Muller បានបញ្ចេញប្រតិកម្មយ៉ាងខ្លាំង ដោយរូបគេមានអារម្មណ៍ខឹងសម្បារ និងងឿងឆ្ងល់ចំពោះសេចក្ដីសម្រេចចិត្តរបស់លោក Low។
Muller បាននិយាយក្នុងវីដេអូដែលផុសលើបណ្ដាញសង្គម Instagram ថា " ឲ្យតែខ្ញុំគិតពីរឿងនេះ (រឿងដកឈ្មោះគេចេញពីក្រុមជម្រើសជាតិអាល្លឺម៉ង់) ខ្ញុំមានអារម្មណ៍ខឹងភ្លាម។ សេចក្ដីសម្រេចចិត្តភ្លាមៗរបស់គ្រូបង្វឹកបានធ្វើឲ្យខ្ញុំងឿងឆ្ងល់ "។
ខ្សែប្រយុទ្ធអាល្លឺម៉ង់រូបនេះបានបន្តថា៖ " ខ្ញុំមិនយល់ត្រង់ថា Mats, Jerome និងរូបខ្ញុំនៅតែអាចលេងក្នុងកម្រិតមួយខ្ពស់។ ខ្ញុំគិតថា ការចេញព័ត៌មានរបស់សហព័ន្ធបាល់ទាត់អាល្លឺម៉ង់គឺធ្វើឡើងដោយកង្វះការពិចារណា "។
សូមបញ្ជាក់ផងដែរថា ខ្សែប្រយុទ្ធវ័យ ២៩ឆ្នាំ កីឡាករ Thomas Muller បានបង្ហាញខ្លួនឲ្យក្រុមជម្រើសជាតិអាល្លឺម៉ង់បាន ១០០លើក និងរកគ្រាប់បាល់បាន ៣៨គ្រាប់ ហើយធ្លាប់ឈ្នះស្បែកជើងមាសក្នុងព្រឹត្តិការណ៍បាល់ទាត់ពិភពលោកកាលពីឆ្នាំ២០១០៕
