- 2019-01-09 02:46:09
- បាល់ទាត់
Buffon ទម្លាយថា ខ្លួនធ្លាប់កើតជំងឺ Depression កាលនៅ Juventus
- 2019-01-09 02:46:09
- ចំនួនមតិ 0 | ចំនួនចែករំលែក 0
Buffon ទម្លាយថា ខ្លួនធ្លាប់កើតជំងឺ Depression កាលនៅ Juventus
ចន្លោះមិនឃើញ
អ្នកចាំទីរបស់ Paris St-Germainកីឡាករ Gianluigi Buffon បានប្រាប់ឲ្យដឹង គេធ្លាប់រងគ្រោះដោយសារជំងឺបាក់ទឹកចិត្ត (Depression) និងខកខានមួយប្រកួតព្រោះថប់អារម្មណ៍ខ្លាំង។
អតីតជម្រើសជាតិអ៊ីតាលីវ៧យ៤០ឆ្នាំ បានចំណាយពេល១៧ឆ្នាំនៅ Juventus លេងបាន៦៥៦ប្រកួត និងឈ្នះពាន Serie A ៩ដង មុនពេលទៅចូលរួមជាមួយ PSG នៅឆ្នាំ២០១៨។ ប៉ុន្តែក្នុងកិច្ចសម្ភាសន៍មួយ Buffon បាននិយាយ គេធ្លាប់តស៊ូយ៉ាងលំបាក អំឡុងពេលឆ្នាំដំបូងនៅជាមួយ Juventus។
“សម្រាប់ប៉ុន្មានខែដំបូង អ្វីៗគ្រប់បាត់បង់ន័យទាំងអស់។ វាហាក់ដូចគ្មាននរណាម្នាក់ខ្វល់ពីខ្ញុំសោះ គឺគ្រាន់តែជាអ្នកលេងបាល់ម្នាក់"។ សម្ដីរបស់ Buffon។ អ្នកចាំទីដែលធ្លាប់ឈ្នះពាន World Cup ២០០៦ បានបន្ថែមទៀតថា ពេលមួយកាលអាយុ២៥ឆ្នាំ គេធ្លាប់ប្រាប់គ្រូសុំអវត្តមានមួយប្រកួតនៅ Serie A ដោយសារមានបញ្ហាថប់អារម្មណ៍។
“ខ្ញុំបាននដើរសំដៅទៅកាន់ Ivano Bordon ដែលជាគ្រូអ្នកចាំទី និងប្រាប់លោកថា ឲ្យ Chimenti កម្ដៅសាច់ដុំនិងលេងប្រកួតនោះទៅ ព្រោះខ្ញុំគ្មានអារម្មណ៍លេង។ ខ្ញុំបានទទួលរងនូវការថប់អារម្មណ៍ និងមិនអាចលេងបាន"។ សម្ដីពិតរបស់ Buffon៕
