- 2019-01-02 03:55:09
- បាល់ទាត់
គ្រូអាស៊ីអឺរ៉ុប មិនហ៊ានដាក់គោលដៅលីគឆ្នាំនេះខ្ពស់ពេកនោះទេ
- 2019-01-02 03:55:09
- ចំនួនមតិ 0 | ចំនួនចែករំលែក 0
គ្រូអាស៊ីអឺរ៉ុប មិនហ៊ានដាក់គោលដៅលីគឆ្នាំនេះខ្ពស់ពេកនោះទេ
ចន្លោះមិនឃើញ
លោក សុខ វាសនា គ្រូបង្វឹកក្រុមអាស៊ីអឺរ៉ុប មិនហ៊ានដាក់គោលដៅយកចំណាត់ថ្នាក់នៅលីគកំពូលកម្ពុជាឆ្នាំ២០១៩ខ្ពស់ពេកនោះទេ ព្រោះថាក្រុមទាំងអស់សុទ្ធតែត្រៀមខ្លួនបានយ៉ាងល្អដូចគ្នា។
អាស៊ីអឺរ៉ុប ដើម្បីត្រៀមខ្លួនចូលលេងលីគ ពួកគេបាននាំយកកីឡាករក្នុងស្រុកដល់ទៅ១២នាក់ឯណោះ ដើម្បីមកបណ្ដុះបណ្ដាល ពង្រឹងក្រុមបន្ថែម។ ចំពោះកីឡាករបរទេសវិញ ពួកគេត្រៀមយក៤នាក់ ប៉ុន្តែមិនទាន់មានការចុះកុងត្រាឡើយ ពោលគឺត្រូវរង់ចាំមើលពាក់កណ្ដាលខែនេះសិន។ ចំពោះគោលដៅសម្រាប់ឆ្នាំថ្មីខាងមុខ លោក សុខ វាសនា មើលឃើញថាក្រុមខ្លួនរៀបចំល្អ ក្រុមដទៃក៏រៀបចំល្អ ដូច្នេះមិនហ៊ាននិយាយរំពឹងខ្ពស់ឡើយ។
“ក្រុមទាំងអស់សុទ្ធតែបានត្រៀមខ្លួនរួចជាស្រេចដើម្បីចូលលេងលីគ។ គោលដៅរបស់យើងនៅឆ្នាំ គឺរំពឹងយ៉ាងណាឱ្យល្អដូចឆ្នាំមុន រក្សាចំណាត់ថ្នាក់ឱ្យបានដដែល។ សម្រាប់ Hun Sen Cup វិញ ក្រុមរបស់លោកមានគោលដៅធ្វើមិចឱ្យដល់វគ្គ៤ក្រុមចុងក្រោយ”។ សម្ដីអតីតគ្រូបង្វឹកក្រុមយុវជនរបស់ព្រះខ័នរាជស្វាយរៀង។
គិតមកដល់ពេលនេះ ដំណឹងពីការចាប់ផ្ដើមនៃលីគកំពូលកម្ពុជានៅមិនទាន់ច្បាស់នោះទេ។ ប៉ុន្តែបើតាមលោក កែវ សារ៉េត អគ្គលេខាធិការសហព័ន្ធកីឡាបាល់ទាត់កម្ពុជាបានឲ្យដឹងថា បន្ទាប់ពីបានជជែកជាមួយគណៈកម្មការរៀបចំការប្រកួតមក គម្រោងប្រកួតលីគកម្ពុជារដូវកាល២០១៩អាចនឹងចាប់ផ្តើមនាខែមេសា។ ការពន្យារពេលរហូតដល់ខែមេសានេះដោយសារឆ្នាំ២០១៩មានកម្មវិធីច្រើនមមាញឹកសម្រាប់ក្រុមជម្រើសជាតិកម្ពុជាត្រៀមខ្លួន ក៏ដូចជាចូលរួមប្រកួតដូច U22, U23 និងព្រឹត្តិការណ៍កីឡាស៊ីហ្គេមជាដើម៕
