- 2018-11-09 02:46:56
- បាល់ទាត់
ល្អណាស់! អតីតកីឡាករមហាគ្រុឌ ប្រមូលផ្តុំជួយដល់សាលាតម្រងទិស
- 2018-11-09 02:46:56
- ចំនួនមតិ 0 | ចំនួនចែករំលែក 0
ល្អណាស់! អតីតកីឡាករមហាគ្រុឌ ប្រមូលផ្តុំជួយដល់សាលាតម្រងទិស
ចន្លោះមិនឃើញ
អតីតកីឡាករក្រុមបាល់ទាត់មហាគ្រុឌ ដែលជាក្រុមខ្លាំងបំផុតក្នុងខេត្តក្រចេះនិងក្រុមលំដាប់កំពូលក្នុងប្រទេសកម្ពុជាក្នុងចន្លោះឆ្នាំ២០០៤ដល់២០០៩ បានប្រមូលផ្តុំគ្នាដើម្បីចែករំលែកបទពិសោធដល់សាលាតម្រងទិស U-15 និង U-17 នាថ្ងៃទី១០ វិច្ឆិកា ខាងមុខនេះ។
នេះជាការប្រមូលផ្តុំគ្នាលើកដំបូងក្នុងរយៈពេល១០ឆ្នាំ ក្រោយមហាគ្រុឌត្រូវបានរំសាយ ចេញពីពេលលីគកំពូលក្នុងឆ្នាំ២០០៨។ លោក សឿន ធីសិទ្ធ អ្នកផ្តួចផ្តើមគំនិតនេះបានឲ្យដឹងថា៖« ការជួបជុំនេះមិនផ្លូវការនោះទេ ពោលគឺគ្រាន់តែដើម្បីរំលែកពីបទពិសោធខ្លះៗពីការហ្វឹកហាត់របស់រៀមច្បងជំនាន់មុន និងប្រកួតមិត្តភាពដងស្រង់បទពិសោធ»។
បងប្អូនអតីតកីឡាករមហាគ្រុឌទាំងអស់រំពឹងថា នឹងបានរួមចំណែកខ្លះៗក្នុងការជំរុញលើកទឹកចិត្តដល់យុវជនដើម្បីប្រឹងប្រែងបន្ត លើកស្ទួយបាល់ទាត់ខេត្ត ធ្វើយ៉ាងណាឲ្យពួកគាត់បង្កើតគោលដៅក្លាយជាកីឡាករអាជីព ដើរតាមរៀបច្បងមួយចំនួនដូចជា កែវ សុង៉ន និងកែវ សុខផេងជាដើម។
គួរបញ្ជាក់ផងដែរថា មកទល់ពេលនេះមិនទាន់មានកីឡាករយុវជនណាម្នាក់ចេញពីខេត្តក្រចេះបានចូលរួមលេងក្នុងលីគកំពូលកម្ពុជាទេ បន្ទាប់ពីក្រុមមហាគ្រុឌរំសាយកាលពីឆ្នាំ២០០៨។ កម្មវិធីនេះអាចនឹងមានវត្តមានរបស់ អ្នកចាត់ការទូទៅភ្នំពេញក្រោនផងដែរ ប្រសិនបើគាត់មិនមានបេសកកម្មជាមួយក្រុម នេះបើតាមការឲ្យដឹងពីសាម៉ីខ្លួន៕
