- 2018-10-24 02:17:06
- បាល់ទាត់
នេន សុធារ័ត្ន យល់ថា ប៉ះម៉ាឡេស៊ី ដើមខែក្រោយជាជំនួបយ៉ាងលំបាករបស់ក្រុមទាំងពីរ
- 2018-10-24 02:17:06
- ចំនួនមតិ 0 | ចំនួនចែករំលែក 0
នេន សុធារ័ត្ន យល់ថា ប៉ះម៉ាឡេស៊ី ដើមខែក្រោយជាជំនួបយ៉ាងលំបាករបស់ក្រុមទាំងពីរ
ចន្លោះមិនឃើញ
ខ្សែការពារជម្រើសជាតិកម្ពុជា នេន សុធារ័ត្ន យល់ថា ការជួបក្រុមម៉ាឡេស៊ីនាថ្ងៃទី៨ ខែវិច្ឆិកា ឆ្នាំ២០១៨ ខាងមុខនេះជាការប្រកួតដ៏លំបាករបស់ក្រុមទាំងពីរ សម្រាប់ការប្រកួតសន្សំពិន្ទុទី១របស់ក្រុមទាំងក្នុងពូល A នៃព្រឹត្តិការណ៍ AFF Suzuki Cup 2018 ។
ខ្សែការពាររបស់ក្លឹបព្រះខ័នរាជស្វាយរៀងរូបនេះបានឲ្យដឹងថា កាលប៉ះគ្នាលើកមុនក្រុមទាំងពីរមានឱកាសដូចគ្នា។ យ៉ាងណាការជួបគ្នាលើកនេះម៉ាឡេស៊ីមិនងាយយកឈ្នះកម្ពុជា ហើយកម្ពុជា ក៏មិនអាចធ្វេសប្រហែសបានដែរ។
កីឡាកររូបនេះបន្ថែមទៀតថា កាលប្រកួតមិត្តភាពកន្លងមក ក្រុមកម្ពុជានៅមានកង្វះខាតច្រើន ប៉ុន្តែពេលនេះក្រុមទាំងមូលកំពុងប្រឹងប្រែងកែប្រែចំណុចទាំងនោះឲ្យមកជាល្អឡើងវិញ។ សុធារ័ត្ន ក៏បាននិយាយអរគុណទៅកាន់អ្នកគាំទ្រផងដែរ បើទោះលទ្ធផលមិនសូវល្អ ក៏ប្រឹងប្រែងមកគាំទ្រទាំងមេឃភ្លៀង និងក្ដៅ។
កាលប៉ះគ្នាក្នុងជំនួបមិត្តភាពថ្ងៃទី១០ ខែកញ្ញា ឆ្នាំ២០១៨ កម្ពុជា ចាញ់ ម៉ាឡេស៊ី ៣-១ ក្នុងដីរបស់កម្ពុជាពហុកីឡដ្ឋានជាតិ៕
