- 2018-09-25 09:23:23
- បាល់ទាត់
ក្រសួងការពារជាតិ អាចប្រើកីឡាករខ្មែរសុទ្ធ ប៉ះអគ្គិសនីប្រកួតបិទលីគ
- 2018-09-25 09:23:23
- ចំនួនមតិ 0 | ចំនួនចែករំលែក 0
ក្រសួងការពារជាតិ អាចប្រើកីឡាករខ្មែរសុទ្ធ ប៉ះអគ្គិសនីប្រកួតបិទលីគ
ចន្លោះមិនឃើញ
ក្រសួងការពារជាតិ មិនឈ្នះទាល់តែសោះ នៅ៣ប្រកួតចុងក្រោយក្នុងលីគកម្ពុជា ក្រោយពីក្រុមមួយនេះ អវត្តមានគ្រូបង្វឹក ភា សុភក្ត្រា បញ្ជាលើទីលាននិងអស់ឱកាសប្រជែងពានលីគកំពូលកម្ពុជាទៅ។
យ៉ាងណាមិញ ការមិនឈ្នះនេះមិនមែនជារឿងចម្លែកអ្វីនោះទេ ពោលគឺក្រុមទ័ពកំពុងផ្ដោតសំខាន់ខ្លាំង ក្នុងការយកពានរង្វាន់ Hun Sen Cup វិញ ដែលពួកគេបានឡើងដល់វគ្គផ្ដាច់ព្រ័ត្រទៅហើយ។ លោក ភា សុភក្ត្រា ធ្លាប់បានបញ្ជាក់ហើយថា លោកនឹងផ្ដោតខ្លាំងលើពាន Cup វិញ ព្រោះក្រុមអស់ឱកាសលើកពានលីគ តាំងពីប៉ុន្មានសប្ដាហ៍មុនមកម្ល៉េះ។ ដើម្បីជាការត្រៀមឱ្យបានល្អ លោកតែងតែដាក់កីឡាករខ្មែរសំខាន់ៗ ឱ្យបានលេងជានិច្ចនៅតាមតំបន់ទាំងអស់ នៅប៉ុន្មានប្រកួតចុងក្រោយ ដើម្បីឱ្យពួកគេមានឱកាសបង្ហាញសមត្ថភាព និងលេងយល់ចិត្តគ្នាជាមួយសមាជិកក្រុមដទៃ។ ដូច្នេះហើយ ការប្រកួតចុងក្រោយបិទលីគនៅសប្ដាហ៍នេះ ក្រសួងការពារជាតិក៏មានគម្រោងដាក់កីឡាករខ្មែរ សុទ្ធចូលលេងតែម្ដង ដើម្បីតេស្ដមើលសមត្ថភាពក្រុមថានៅខ្វះខាតត្រង់ចំណុចណាខ្លះ។
ការប្រកួតផ្ដាច់ព្រ័ត្រ Hun Sen Cup ធ្វើឡើងនៅថ្ងៃទី៦ខែតុលាឆ្នាំ២០១៨ខាងមុខនេះ ដោយក្រសួងការពារជាតិ នឹងតតាំងជាមួយក្រុមប៉ូលិស។ លោក ភា សុភក្ត្រា មិនហ៊ានសង្ឃឹមខ្ពស់ទេ ប៉ុន្តែក៏មានទំនុកចិត្តលើកូនក្រុមផងដែរ៕
