អស្ចារ្យ! KMH បង្កើតពានរង្វាន់ថ្មីមួយទៀត មានក្រុមបរទេសសុទ្ធ ចូលរួមបាន

2018-09-22 07:22:41
បាល់ទាត់

2018-09-22 07:22:41
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅរដូវកាល ២០១៨-១៩ នេះ ពានរង្វាន់ KMH បានបង្កើតជាព្រឹត្តិការណ៍ថ្មីមួយគឺ KMH Super Cup ពីលើពានរង្វាន់ដែលមានស្រាប់គឺ KMH Champions League និង KMH Cup U18 ។

ពានរង្វាន់ថ្មីដែលមានឈ្មោះថា KMH Super Cup នេះ នឹងមាន១០ក្រុមចូលរួម ហើយក្រុមទាំង១០នេះ សុទ្ធតែជាក្រុមពិសេសតែម្ដង ដោយមានទាំងក្រុមជម្រើសបរទេសនៅប្រទេសកម្ពុជាផងដែរ។ លោក កាំង សេន ស្ថាបនិកពានរង្វាន់ KMH ទាំង៣ខាងលើ បានបញ្ជាក់ថា KMH Super Cup នឹងកាន់តែប្លែកសម្រាប់អ្នកគាំទ្រ។ ពានរង្វាន់នេះ ធ្វើដូច Cup នៅអឺរ៉ុបដែរ ដោយក្រុមឈ្នះតាមពានផ្សេងៗ មកប្រកួតគ្នា។ អ្វីដែលខុសប្លែកនោះ មិនលេងតែ១ប្រកួតចប់នោះទេ ដោយ KMH Super Cup នឹងយក១០ក្រុម ដែលជាក្រុមធ្លាប់ឈ្នះពានផ្សេង ទៅលេងជាមួយក្រុម All Stars ផ្សេងទៀតនៅកម្ពុជា។

លោក កាំង សេន ស្ថាបនិកពានរង្វាន់ KMH

តួយ៉ាងដូចជា Japanese All Stars , African All Stars , European All Star និង World All Stars ជាដើម។ សុទ្ធតែបានជ្រើសរើស រួចជាស្រេចដើម្បីត្រៀមខ្លួនប្រជែងជាមួយក្រុមធ្លាប់ឈ្នះពានរង្វាន់នៅកម្ពុជាដូចជា KMH All Stars, ក្រុមម្ចាស់ជើងឯកពាន Heng Samrin ក្រុម AVATAR FC ក្រុម Bejeng Family ក្រុម Heng Samrin All Stars និងក្រុម Khmer United ជាដើម។

សម្រាប់ការចាប់ផ្ដើមប្រកួតពានរង្វាន់ខាងលើនេះវិញ គឺនឹងត្រូវធ្វើឡើងឱ្យបានមុន ពានរង្វាន់ KMH Champions League និង KMH Cup ។ ខណៈ ដែលប្រាក់រង្វាន់សម្រាប់ក្រុមអ្នកឈ្នះវិញ គឺនឹងទទួលបាន៥ពាន់ដុល្លារ សម្រាប់អ្នកលេខ១ ក្រុមលេខ២បាន ២ ៥០០ដុល្លារ និងក្រុមលេខ៣ បាន១ ៥០០ដុល្លារ។ សម្រាប់ដំណឹងលម្អិតអាចទាក់ទងទៅកាន់លេខទូរសព្ទ ០១៧ ៣០៣ ៩២០ និង ០៩៨ ២៥២ ១៥២៕

អត្ថបទ៖ មុន្នីរម្យ