- 2018-08-20 05:01:12
- បាល់ទាត់
យុវជនសាលាតម្រង់ទិសក្រចេះកម្ដៅសាច់ដុំត្រៀមប្រកួតពានថ្នាក់ជាតិ
- 2018-08-20 05:01:12
- ចំនួនមតិ 0 | ចំនួនចែករំលែក 0
យុវជនសាលាតម្រង់ទិសក្រចេះកម្ដៅសាច់ដុំត្រៀមប្រកួតពានថ្នាក់ជាតិ
ចន្លោះមិនឃើញ
យុវជនអាយុក្រោម១៥ឆ្នាំរបស់សាលាតម្រង់ទិសខេត្តក្រចេះបានចាប់ផ្តើមប្រកួតមិត្តភាពជាបន្តបន្ទាប់ ក្រោយការហ្វឹកហាត់រយៈពេលជាង៤ខែ កន្លងមកនេះ។
ក្រោមការដឹកនាំរបស់លោក សំ សុធិ អតីតគ្រូស៊ីម៉ាក់ និងលោក ពេជ្រ សុផាសិត អតីតកីឡាករមហាគ្រុឌ និងគីរីវង្សសុខសែនជ័យ យុវជនសាលាតម្រង់ទិសបានកម្តៅសាច់ដុំកាលពីសប្តាហ៍កន្លងទៅនេះដោយប្រកួតទី១ឈ្នះ និងប្រកួតទី២ស្មើជាមួយក្នុងមួយក្រុមវ័យចំណាស់ខេត្តក្រចេះ។
លោក សំ សុធិ គ្រូបង្គោលបានឲ្យដឹងថា លោករៀបចំការប្រកួតឲ្យសិស្សលោកជាមួយក្រុមដែលមានកម្រិតលើសកូនក្រុមរបស់លោកដើម្បីឲ្យពួកគេទទួលបានបទពិសោធលើទីលានកាន់តែច្រើន ជាពិសេសវាស់ស្ទង់សមត្ថភាពកូនក្រុមដើម្បីងាយស្រួលកែសម្រួលពីយុទ្ធសាស្រ្ត និងបច្ចេកទេសក្នុងការលេង។
ក្រុមបាល់ទាត់វ័យចំណាស់ជាក្រុមរួមមួយក្នុងខេត្តដែលប្រមូលផ្តុំដោយកីឡាករវ័យលើសពី៣០ឆ្នាំ ហើយពួកគាត់មួយចំនួន ជាអតីតកីឡាករជម្រើសខេត្ត និងក្លឹបមហាគ្រុឌក្រចេះ ដែលលាឈប់ពីអាជីពបាល់ទាត់។
លទ្ធផលទាំងពីរប្រកួត
សាលាតម្រង់ទិស ៥-៣ វ័យចំណាស់
វ័យចំណាស់ ២-២ សាលាតម្រង់ទិស
