- 2018-08-13 02:27:35
- បាល់ទាត់
ភា សុភក្ត្រា៖ ទ័ពស្មើសូទីឡូព្រោះអាជ្ញាកណ្ដាលជាអ្នកតែតឱ្យសូទីឡូ
- 2018-08-13 02:27:35
- ចំនួនមតិ 0 | ចំនួនចែករំលែក 0
ភា សុភក្ត្រា៖ ទ័ពស្មើសូទីឡូព្រោះអាជ្ញាកណ្ដាលជាអ្នកតែតឱ្យសូទីឡូ
ចន្លោះមិនឃើញ
លោក ភា សុភក្ត្រា គ្រូបង្វឹកក្រុមក្រសួងការពារជាតិ មិនពេញចិត្តចំពោះការកាត់សេចក្ដីរបស់អាជ្ញាកណ្ដាលឡើយក្នុងការប្រកួតស្មើជាមួយក្រុមសូទីឡូអង្គរ ២-២ នៅទឹកដីសៀមរាបម្សិលមិញនេះ។
មានការតវ៉ាគ្នាខ្លាំងមួយកើតឡើង ក្នុងការប្រកួតខាងលើនេះ ដោយសារតែអាជ្ញាកណ្ដាលខ្សែបន្ទាត់សម្រេចចិត្តផ្សេង និងអាជ្ញាកណ្ដាលក្នុងទីលានសម្រេចចិត្តផ្សេង។ និយាយរួម ក្នុងហេតុការណ៍ម្សិលមិញនេះ នៅចុងម៉ោងក្រោយពីក្រសួងការពារជាតិ នាំមុខសូទីឡូអង្គរ ២-១ ហើយនោះ ខាងក្រុមម្ចាស់ផ្ទះមានឱកាសបាន Free-Kick មួយនៅនាទី៩០+។ គ្រានេះហើយ បានកើតជារឿងតវ៉ាឡើង ដោយសារតែការលើកបាល់ចូលប្រអប់គ្រោះថ្នាក់នោះ ខាងក្រុមសូទីឡូអង្គរបានតែតចូល ប៉ុន្តែអាជ្ញាកណ្ដាលខ្សែបន្ទាត់លើកទង់ក្រៅល្បែង។
គ្រាដែលអាជ្ញាកណ្ដាលខ្សែបន្ទាត់លើកទង់ក្រៅល្បែងនោះ ស្រាប់តែអាជ្ញាកណ្ដាលក្នុងទីលានក៏មិនឱ្យបាល់នោះទៅខាងសូទីឡូអង្គរភ្លាមដែរ។ ក្រោយមកទៀត កីឡាករក្រុមសូទីឡូអង្គរបានរត់ទៅតវ៉ាឡើងវិញ ហើយភ្លាមនោះលោកអាជ្ញាកណ្ដាលក៏បានសម្រេចចិត្តជាថ្មីឱ្យបាល់នោះទៅខាង ម្ចាស់ផ្ទះ ធ្វើឱ្យលទ្ធផលស្មើគ្នា ២-២ ចប់ការប្រកួត។
ចំណុចកាត់ក្ដី២ដងនេះហើយ បានធ្វើឱ្យកីឡាករទ័ពតវ៉ាជាខ្លាំង រហូតទាល់តែក្រុមសមត្ថកិច្ចជួយសម្រួលទើបមានភាពស្ងប់ស្ងាត់ទៅវិញ។ ចំពោះរឿងនេះដែរ លោក ភា សុភក្រា គ្រូបង្វឹកក្រសួងការពារជាតិ និយាយថាខ្លួនមិនអាចទទួលយកលទ្ធផលនៃការកាត់ក្ដី២ដងនេះទេ។ លោក ថាដំបូងឡើយអាជ្ញាកណ្ដាលមិនឱ្យបាល់នោះទៅហើយ ប៉ុន្តែក្រោយពីកីឡាករក្រុមសូទីឡូរត់ទៅតវ៉ា បែរជាផ្ដល់បាល់នោះឱ្យទៅវិញ ស្របពេលអ្នកគ្រប់គ្នាបានឃើញអាជ្ញាកណ្ដាលខ្សែបន្ទាត់លើកទង់ក្រៅល្បែងទៅហើយ។
លោក ភា សុភក្ត្រា បានហៅលទ្ធផលស្មើគ្នា ២-២ កាលពីម្សិលមិញនេះថា៖ “ខ្ញុំអត់ទទួលយកការប្រកួតនេះទេ សម្រាប់ផ្លូវចិត្តរបស់ខ្ញុំ ខ្ញុំគិតថា ទ័ពស្មើសូទីឡូ ២-២ ដោយសារអាជ្ញាកណ្ដាលជាអ្នកតែតបញ្ចូលទីឱ្យសូទីឡូ”៕
