- 2018-07-25 02:22:11
- បាល់ទាត់
ទេព ឡុងរចនា ព្យាករពីអនាគតរបស់យុវជន ណារ៉ុង កក្កដា បើជាប់ជម្រើស១១នាក់ដំបូងញឹកញាប់
- 2018-07-25 02:22:11
- ចំនួនមតិ 0 | ចំនួនចែករំលែក 0
ទេព ឡុងរចនា ព្យាករពីអនាគតរបស់យុវជន ណារ៉ុង កក្កដា បើជាប់ជម្រើស១១នាក់ដំបូងញឹកញាប់
ចន្លោះមិនឃើញ
លោក ទេព ឡុងរចនា អ្នកចាត់ការរបស់ក្លឹបក្រសួងការពារជាតិមើលឃើញពីកម្រិតរបស់យុវជន ណារ៉ុង កក្កដា នឹងអាចក្លាយជាកីឡាករកម្រិតខ្ពស់នៅឆ្នាំក្រោយ ប្រសិនបើកីឡាកររូបនេះអាចបង្ហាញខ្លួនក្នុងជម្រើស១១នាក់ដំបូងឲ្យបានច្រើននៅឆ្នាំនេះ។
ណារ៉ុង កក្កដា ជាប់ជាកីឡាករជម្រើសជាតិកម្ពុជាក្រោមអាយុ ២១ និង ១៩ ឆ្នាំ ដែលមានភាពលេចធ្លោម្នាក់ក្នុងក្រុម។ កីឡាកររូបនេះត្រូវបានលោកទេព ឡុងរចនា មើលឃើញពីភាពប៉ិនប្រសប់ត្រង់ការសម្រេចទីច្បាស់ និងមានភាពឆ្លាតវៃក្នុងការទាត់ទី។ ចំណុចល្អមួយទៀតគឺរូបគេមានចលនាលឿន។
ប៉ុន្តែបើមែនទែនទៅកីឡាកររូបនេះនៅស្ទើរបទពិសោធបន្តិច ដែលមើលទៅមិនទាន់មានភាពស៊ីជម្រៅក្នុងនាមជាខ្សែប្រយុទ្ធ។ ដូច្នេះលោកហ៊ានអះអាងថា នៅឆ្នាំក្រោយគេនឹងអាចក្លាយជាកីឡាករកម្រិតខ្ពស់ម្នាក់ បើសិនអាចធ្វើឲ្យគ្រូពេញចិត្តនូវទម្រង់លេង ដោយបង្ហាញខ្លួនក្នុងជម្រើស១១នាក់ដំបូងឲ្យបានច្រើននៅឆ្នាំនេះ។
ណារ៉ុង កក្កដា ជាកូនអ្នកខេត្តបាត់ដំបង ដែលចាប់លេងបាល់ដំបូងនៅក្លឹបក្រសួងការពារជាតិជាមួយថ្នាល U19 កាលឆ្នាំ២០១៦ ហើយកីឡាកររូបនេះបានឡើងមកលេងក្នុងឈុតធំកាលពីឆ្នាំមុន៕
