- 2018-07-17 00:32:00
- បាល់ទាត់
ស៊ុត៤គ្រាប់ឲ្យ U19 ឃៀង ម៉េងហួ កំណត់ពេល ១ឬ២ឆ្នាំជាប់ U21 និង U23 កម្ពុជា
- 2018-07-17 00:32:00
- ចំនួនមតិ 0 | ចំនួនចែករំលែក 0
ស៊ុត៤គ្រាប់ឲ្យ U19 ឃៀង ម៉េងហួ កំណត់ពេល ១ឬ២ឆ្នាំជាប់ U21 និង U23 កម្ពុជា
ចន្លោះមិនឃើញ
ខ្សែប្រយុទ្ធរបស់របស់ជម្រើសជាតិកម្ពុជាក្រោមអាយុ ១៩ ឆ្នាំ ឃៀង ម៉េងហួ ប្ដេជ្ញាចង់ជាប់ជម្រើសជាតិ U21 និង U23 កម្ពុជាជាទិសដៅបន្ទាប់ ក្រោយបង្ហាញខ្លួនចំនួន ៤ ប្រកួតរកបាន ៤ គ្រាប់ក្នុងការប្រកួតពាន AFF U-19 Championship 2018 ដែលទើបតែបញ្ចប់កាលពីពេលថ្មីៗនៅទឹកដីប្រទេសឥណ្ឌូណេស៊ី។
ខ្សែប្រយុទ្ធយុវជនរបស់ក្លឹបព្រះខ័នរាជស្វាយរៀងរូបនេះបានឲ្យដឹងថា នឹងប្ដេជ្ញាប្រឹងប្រែងហ្វឹកហាត់ ហើយកំណត់ពេល១ឬ២ឆ្នាំទៀត ដើម្បីបានជាប់ជម្រើសជាតិក្រុម U21 និង U23 កម្ពុជាបន្ថែមទៀតក្រោយបង្ហាញខ្លួនក្នុងក្រុម U19។ មូលហេតុដែលរូបគេត្រូវការពេលវេលាដូច្នេះ ដោយសារបច្ចុប្បន្នជាប់ភារកិច្ចមមាញឹកជាមួយការសិក្សាផង និងលេងបាល់ផង។
យុវជនរូបនេះបញ្ជាក់ថា មុននឹងអាចឈានដល់ការឡើងទៅកាន់ការជាប់ជម្រើសជាតិ U23 បានត្រូវប្រឹងប្រែងលេងឲ្យបានល្អ ពិសេសអាចបង្ហាញខ្លួនលេងក្នុងលីគអាជីពកម្រិតខ្ពស់របស់កម្ពុជាជាមួយក្លឹប។ ម៉េងហួ ក៏ស្ទើរតែមិនជឿថា ខ្លួនអាចរកបានរហូត ៤ គ្រាប់ក្នុងការប្រកួតពានខាងលើដែរ ពីព្រោះជាការប្រកួតដំបូងរបស់ខ្លួនក្នុងព្រឹត្តិការណ៍អន្តរជាតិ។
ឃៀង ម៉េងហួ រកបាន ៣ គ្រាប់ម្នាក់ឯងក្នុងការប្រកួតទី១ ទល់នឹងប្រ៊ុយណេ ដែលជួយក្រុម U19 កម្ពុជាយកឈ្នះ U19 ប្រ៊ុយណេ ៥-០ ។ ចំណែកគ្រាប់ទី៤ រកបាននៅពេលជួយ U19 កម្ពុជាយកឈ្នះ ទីម័រខាងកើត ២-១ ដើម្បីជួយ U-19 កម្ពុជាបញ្ចប់ត្រឹមចំណាត់ថ្នាក់លេខ ៣ ក្នុងពូល B នៃព្រឹត្តិការណ៍ AFF U-19 Championship 2018 ៕
