- 2018-07-11 00:32:00
- បាល់ទាត់
ស្គាល់ច្បាស់! ពីកីឡាការិនីស្រស់ស្អាត និងឆ្នើមកម្ពុជារូបនេះ ក្រោយស៊ុតទីម័រ ៦ គ្រាប់
- 2018-07-11 00:32:00
- ចំនួនមតិ 0 | ចំនួនចែករំលែក 0
ស្គាល់ច្បាស់! ពីកីឡាការិនីស្រស់ស្អាត និងឆ្នើមកម្ពុជារូបនេះ ក្រោយស៊ុតទីម័រ ៦ គ្រាប់
ចន្លោះមិនឃើញ
កីឡាការិនីជម្រើសជាតិកម្ពុជា ហួត គឹមហុង ដែលបានទាត់បញ្ចូលទីក្រុមបាល់ទាត់នារីទីម័រខាងកើត ៦ គ្រាប់ម្នាក់ឯង ជួយឲ្យកម្ពុជាយកឈ្នះ ១២-០ ក្នុងការប្រកួតបើកឆាកពានរង្វាន់ AFF Women's Championship 2018 បង្ហើបគោលដៅធំក្នុងជីវិតរបស់ខ្លួន។
ហួត គឹមហុង ជាកូនអ្នកបាត់ដំបង មានឪពុកឈ្មោះ កង ពុង (ស្លាប់) ម្ដាយឈ្មោះ នួន សុខុន មុខរបរអ្នកលក់ឥវ៉ាន់ចាប់ហួយ។ កីឡាការិនីរូបនេះជាកូនពៅក្នុងគ្រួសារក្នុងចំណោមបងប្អូន ៥ នាក់ គ្មានអ្នកណាចេះលេងបាល់ទាត់ឡើយ មានតែ ហួត គឹមហុង ម្នាក់គត់ជាកីឡាការិនីបាល់ទាត់។
គោលបំណងធំបំផុតរបស់កីឡាការិនីរូបនេះគឺចង់ក្លាយជាគ្រូបង្វឹកក្រុមបាល់ទាត់ក្រុមជម្រើសជាតិនារីកម្ពុជា។ មូលហេតុគឺដោយសារកញ្ញាមានចិត្តស្រលាញ់ និងចង់ជួយវិស័យបាល់ទាត់នារីនៅកម្ពុជា ឲ្យមានភាពប្រសើរឡើង។
គោលដៅក្នុងការឈប់លេងរបស់កញ្ញាគឺនៅវ័យ ២៧ ឆ្នាំ ដែលពេលនោះជាវ័យមិនអាចលេងបានតទៅទៀត ព្រោះយល់ថាខ្លួនចាស់។ បច្ចុប្បន្នរូបគេមានអាយុ ២០ ឆ្នាំ និងជាគ្រូបង្វឹកបាល់ទាត់ក្មេងៗនៅក្លឹបភ្នំពេញក្រោនផងដែរ។
គឹមហុង ឲ្យដឹងទៀតថា តាំងពីបានចូលលេងបាល់ទាត់មក បានផ្ញើលុយទៅកាន់ម្ដាយយូរៗ ម្ដង ដើម្បីសម្រួលជីវភាពក្នុងគ្រួសារ។ ការចូលខ្លួនលេងបាល់ទាត់ក្រុមគ្រួសាររបស់កីឡាការិនីរូបនេះ មិនដែលហាមឃាត់អ្វីឡើយ ផ្ទុយទៅវិញជំរុញឲ្យខិតខំហ្វឹកហាត់ ដើម្បីជួយប្រទេសជាតិ។ បច្ចុប្បន្នគ្រូបង្វឹកបាល់ទាត់ និងជាកីឡាការិនីជម្រើសជាតិកម្ពុជារូបនេះ កំពុងសិក្សានៅសកលវិទ្យាល័យមួយនៅភ្នំពេញ ផ្នែកទំនាក់ទំនងថ្នាក់ឆ្នាំទី១។
កីឡាការិនីស្រស់ស្អាតរូបនេះចាប់លេងបាល់ដំបូងនៅឆ្នាំ២០០៨ ដែលពេលនោះចាប់លេងបាល់ភ្លាម បានជាប់ជម្រើសជាតិនារីក្រោមអាយុ១៨ ឆ្នាំ ដោយចេញទៅប្រកួតនៅប្រទេសឡាវ។ តាំងពីឆ្នាំ២០០៨ ដល់ ២០១៥ គឹមហុង តែងទទួលបានឱកាសចេញទៅប្រកួតពានក្រៅប្រទេសជាញឹកញាប់ និងទាត់ចូលដៃគូសឹងគ្រប់ការប្រកួត៕
