- 2018-07-03 07:52:15
- បាល់ទាត់
វេសឡាញ បង្កើតពានរង្វាន់មួយសម្រាប់ប្រកួតប្រជែង
- 2018-07-03 07:52:15
- ចំនួនមតិ 0 | ចំនួនចែករំលែក 0
វេសឡាញ បង្កើតពានរង្វាន់មួយសម្រាប់ប្រកួតប្រជែង
ចន្លោះមិនឃើញ
ដើម្បីពង្រឹងកាយសម្បទា ឲ្យបានរឹងមាំ ស្វាហាប់ និងមានសុខភាពល្អ ជាពិសេសបង្កើនភាពស្និតស្នាល វេសឡាញ បានបង្កើតការប្រកួតដណ្តើមពានរង្វាន់មួយ ដោយមាន ១០ក្លឹប និងកីឡាករសរុប១២៩រូប ចូលរួមប្រកួត។
បើតាមការលើកឡើងរបស់លោក តែ ឡាយ ប្រធាននាយកអប់រំ និងធនធានមនុស្ស នៃសាលាវេសឡាញ បានឲ្យដឹងថា ជាទូទៅបុគ្គលិករបស់លោកធ្វើការពីថ្ងៃច័ន្ទ ដល់ថ្ងៃសុក្រ ដូច្នេះនៅចុងសប្តាហ៍ លោកចង់លើកទឹកចិត្តឲ្យពួកគាត់ឆ្លៀតពេលលេងកីឡាដើម្បីសុខភាព។ លោក បានបន្តទៀតថា ជាក់ស្ដែងកន្លងមក ក្រៅពីវិស័យកីឡាបាល់ទាត់នោះ សម្រាប់បុគ្គលិកក៏មានផ្នែកកីឡា វាយកូនឃ្លីលើតុ កីឡាYOGA និងកីឡាវាយសីផងដែរ។
និយាយពីការប្រកួតខាងលើវិញត្រូវបានអនុវត្តតាមរូបមន្ត សន្សំពិន្ទុ ដែលរួមមានចំនួន៤៩ប្រកួត ក្នុងនោះ៖ វគ្គសន្សំពិន្ទុ មាន៤៥ប្រកួត ដោយការប្រកួតត្រូវប្រកួតវិលជុំជាមួយនឹងក្រុមទាំង១០។ ចប់ការប្រកួតសន្សំពិន្ទុតាមក្រុមនីមួយៗ ក្រុមដែលបានពិន្ទុខ្ពស់ជាងគេ លេខ១ លេខ ២ លេខ ៣ និងលេខ៤ ត្រូវឡើងទៅប្រកួត វគ្គពាក់កណ្តាលផ្តាច់ព្រ័ត្រ។ នៅវគ្គនេះ ក្រុមលេខ១ ត្រូវប៉ះក្រុមលេខ៤ ហើយក្រុមលេខ២ប៉ះក្រុមលេខ៣។ ក្រុមណាឈ្នះនឹងឡើងទៅវគ្គផ្ដាច់ព្រ័ត្រតែម្ដង៕
