- 2018-06-23 04:38:25
- បាល់ទាត់
កីឡាការិនីជម្រើសជាតិ គឹម ហុង មិនខ្លាចខូចសម្រស់ព្រោះស្រលាញ់បាល់ទាត់
- 2018-06-23 04:38:25
- ចំនួនមតិ 0 | ចំនួនចែករំលែក 0
កីឡាការិនីជម្រើសជាតិ គឹម ហុង មិនខ្លាចខូចសម្រស់ព្រោះស្រលាញ់បាល់ទាត់
ចន្លោះមិនឃើញ
កីឡាការិនីជម្រើសជាតិកម្ពុជា គឹម ហុង បានអះអាងថា មិនបានគិតរឿងរូបសម្រស់របស់ខ្លួនឡើយ បើទោះខ្លួនជាស្រី សុខចិត្តចំណាយពេលដើម្បីហាត់បាល់ទាត់ ដោយសារចិត្តស្រលាញ់។
យុវតីរូបនេះបានឲ្យដឹងថា ខ្លួនជាប់ជម្រើសជាតិនារីកាលចូលហាត់បាល់ ដំបូងនៅឆ្នាំ២០០៨ ហើយក៏បានទៅលេងពានបាល់ទាត់នារីក្រោមអាយុ ១៦ ឆ្នាំនៅប្រទេសឡាវ។ ការចូលហាត់បាល់ទាត់នេះ ដោយសារចិត្តស្រលាញ់តែមួយមុខគត់។
កីឡាការិនីរបស់ក្លឹបភ្នំពេញក្រោនរូបនេះបន្ថែមថា តាំងពីឈានចូលដល់វ័យ ១៧ ឆ្នាំហាក់បាត់បង់ជំនឿចិត្តថា កម្ពុជាប្រហែលជាគ្មានជម្រើសជាតិនារីដូចសព្វថ្ងៃនេះទេ។ ប៉ុន្តែពេលនេះជម្រើសជាតិនារីកម្ពុជាកំពុងហ្វឹកហាត់យ៉ាងសកម្មដើម្បីត្រៀមការប្រកួតផ្សេងៗ។
គឹម ហុង គឺជាកីឡាការិនីឆ្នើមមួយរូបរបស់កម្ពុជា ដែលតែងរកគ្រាប់បាល់ជួយក្រុមបាល់ទាត់ជម្រើសជាតិនារីកម្ពុជា។ មិនត្រឹមតែប៉ុណ្ណោះកីឡាការិនីរូបនេះក៏ធ្លាប់ឈ្នះពានអ្នកទាត់បញ្ចូលទីច្រើនជាងគេ ក្នុងព្រឹត្តិការណ៍មួយនៅថៃផងដែរ កាលនៅលេងពានបាល់ទាត់នារីក្រោមអាយុ ១៤ ឆ្នាំ៕
