- 2018-06-14 03:38:58
- បាល់ទាត់
សុក វាសនា៖ Privat អាចនឹងក្លាយជា Top Scorer រហូតចប់រដូវកាល
- 2018-06-14 03:38:58
- ចំនួនមតិ 0 | ចំនួនចែករំលែក 0
សុក វាសនា៖ Privat អាចនឹងក្លាយជា Top Scorer រហូតចប់រដូវកាល
ចន្លោះមិនឃើញ
ខ្សែប្រយុទ្ធ Befolo Privat Mbarga របស់ក្រុមអាស៊ីអឺរ៉ុប កំពុងកាន់តំណែងជាអ្នករកគ្រាប់បាល់បានច្រើនជាងគេ បន្ទាប់ពីធ្វើបាន៦គ្រាប់ក្នុង១ប្រកួតកាលប៉ះជាមួយវេស្ទើន។
លោក សុក វាសនា គ្រូបង្វឹករបស់ក្រុមអាស៊ីអឺរ៉ុប បានបញ្ជាក់ថាខ្សែប្រយុទ្ធពាក់អាវលេខ៩របស់ខ្លួន អាចនឹងបន្ដឈរកំពូលតារាងអ្នកស៊ុតបញ្ចូលទីបានច្រើនជាងគេនេះរហូតដល់ចប់រដូវកាល។ ១ប្រកួតរកបាន៦គ្រាប់ជាកំណត់ត្រាមួយក្នុងលីគកំពូលកម្ពុជារដូវកាលនេះ ហើយរូបគេនឹងបន្ដរកគ្រាប់បាល់បានទៀត នាប្រកួតក្រោយៗ។
ការនិយាយដូច្នេះ គឺលោក សុក សំណាង សំអាងថាកីឡាករសញ្ជាតិកាមេរ៉ូននេះ មានសមត្ថភាពខ្ពស់ ល្បឿនបណ្ដើរបាល់រហ័ស គុណភាពការបញ្ចប់ទីបានល្អ។ បូកផ្សំជាមួយយល់ចិត្តគ្នាជាមួយសមាជិកដទៃទៀតនោះ គឺរឹតតែធ្វើឱ្យរូបគេងាយក្នុងការស្វែងរកគ្រាប់បាល់ឱ្យក្រុមថែមទៀត។
សូមបញ្ជាក់ថាកីឡាករវ័យ២៦ឆ្នាំខាងលើនេះ រកបាន១៣គ្រាប់ហើយក្នុងលីគកំពូលកម្ពុជា ដោយលើសអ្នកលេខ២ រហូតដល់៥គ្រាប់ឯណោះ ឆ្លងកាត់៩ប្រកួតមកនេះ។ ក្នុងតារាងលីគកំពូលកម្ពុជាអាស៊ីអឺរ៉ុប កំពុងឈរនៅចំណាត់ថ្នាក់លេខ៧ ដោយមាន១២ពិន្ទុក្នុងដៃ ពួកគេលេង៩ប្រកួត ឈ្នះ៣ ស្មើ៣ និងចាញ់៣ប្រកួត។ ប្រកួតចុងសប្ដាហ៍នេះ ត្រូវប៉ះជាមួយក្រុមព្រះខ័នរាជស្វាយរៀង៕
