/5b0cb298aeae3_1527558780_medium.jpg)
- 2018-05-29 01:59:36
- បាល់ទាត់
ជាប់ជម្រើសវិញ Balotelli រកបានគ្រាប់ដំបូងឲ្យអ៊ីតាលី ក្រោយអវត្តមាន៤ឆ្នាំ
- 2018-05-29 01:59:36
- ចំនួនមតិ 0 | ចំនួនចែករំលែក 0
ជាប់ជម្រើសវិញ Balotelli រកបានគ្រាប់ដំបូងឲ្យអ៊ីតាលី ក្រោយអវត្តមាន៤ឆ្នាំ
ចន្លោះមិនឃើញ
Mario Balotelli បានត្រលប់ចូលលេងឲ្យជម្រើសជាតិអ៊ីតាលីវិញ បន្ទាប់ពីអវត្តមាន៤ឆ្នាំ ហើយកាលពីយប់មិញគេរកបានមួយគ្រាប់ជួយក្រុមយកឈ្នះលើជម្រើសជាតិអារ៉ាប៊ីសាអ៊ូឌីត ២ទល់នឹង១ ក្នុងប្រកួតមិត្តភាព។
កីឡាករវ័យ២៧ឆ្នាំដែលបង្ហាញខ្លួនឲ្យក្រុមអ៊ីតាលីកាលពី World Cup 2014 ក្នុងប្រទេសប្រេស៊ីល ត្រូវបានកោះហៅចូលជម្រើសជាតិវិញ ក្រោមការដឹកនាំរបស់គ្រូថ្មីលោក Roberto Mancini ក្រោយរូបគេបង្ហាញភាពលេចធ្លោក្នុងក្រុម Nice រដូវកាលនេះ រកបាន២៦គ្រាប់។
ងាកមកការប្រកួតដែររៀបចំនៅកីឡដ្ឋាន AFG Arena ប្រទេសស្វីស Balotelli ជាអ្នកបំប៉ោងសំណាញ់ដំបូងគេ មុនពេល Andrea Belotti ថែមគ្រាប់ទីពីរ ជួយឲ្យអ៊ីតាលីនាំមុខមុន២-០។ ត្បិតតែប៉ះប្រទេសខ្លាំង តែអារ៉ាប៊ីសាអ៊ូឌីតក៏អាចតដៃបានមួយគ្រាប់វិញដែរធ្វើបានដោយកីឡាករ Yahya Al Shehri។
ក្រៅពីប្រកួតនេះ នៅមានគូល្អមើលមួយចំនួនទៀតដែលលេងយប់មិញដូចគ្នា ក្នុងនោះកូរ៉េខាងត្បូងយកឈ្នះ ហុងឌុយរ៉ាស់ ២-០, បារាំងឈ្នះអៀរឡង់ ២-០ និងព័រទយុហ្គាល់ស្មើទុយណេស៊ី៕
