- 2014-11-14 15:53:18
- បាល់ទាត់
Moyes ថា Sir Alex ជាអ្នកឱ្យមកដឹកនាំ Real Sociedad
- 2014-11-14 15:53:18
- ចំនួនមតិ 0 | ចំនួនចែករំលែក 0
Moyes ថា Sir Alex ជាអ្នកឱ្យមកដឹកនាំ Real Sociedad
ចន្លោះមិនឃើញ
លោក David Moyes បានអះអាងថាការមកដឹកនាំក្រុម Real Sociedad នៅអេស្ប៉ាញនេះគឺជាការឱ្យយោបល់របស់លោក Sir Alex Fugerson ហើយរូបលោកផ្ទាល់ក៏ព្រមទទួលយកការណែនាំនេះជាលើកទីពីរដែរ។
ការបង្ហាញខ្លួនជាអ្នកចាត់ការថ្ងៃដំបូងនៅ Real Sociedad បុរសវ័យ៥១ឆ្នាំរូបនេះបានទម្លាយមូលហេតុដែលលោកជ្រើសរើសធ្វើជាគ្រូបង្វឹកនៅក្លិបប្រទេសអេស្ប៉ាញនេះថា៖ “ខ្ញុំបានទូរសព្ទទៅលោក Sir Alex មុនពេលខ្ញុំចាប់អាជីពនេះវិញហើយលោកក៏បាននិយាយប្រាប់ខ្ញុំថាមានឱកាសជាច្រើនកំពុងរង់ចាំខ្ញុំចាប់យក ហើយក្លិប Real Sociedad នេះជាឱកាសល្អបំផុត។ គាត់បានបន្ថែមទៀតថាមានតែអ្នកចាត់ការពីរបីនាក់ទេដែលមានឱកាសច្រើនដូចខ្ញុំនេះ”។
អតីតអ្នកចាត់ការក្រុម Manchester United រូបនេះបានសន្យាជាមួយអ្នកគាំទ្រ Real Sociedad ថា៖ “ខ្ញុំមានអារម្មណ៍ថាពេលនេះខ្ញុំមានទំនុកចិត្តលើខ្លួនឯងណាស់។ ខ្ញុំនឹងព្យាយាមឱ្យអស់ពីសមត្ថភាពក្នុងការជួយក្រុមឱ្យទទួលជោគជ័យទៅថ្ងៃខាងមុខ”។
នៅចាំបានថា លោក David Moyes កាលដែលបានមកដឹកនាំក្រុមបិសាចក្រហមលើកមុននោះក៏ជាការឱ្យដំបូន្មានរបស់លោក Sir Alex ដែរ។ ហើយទោះជាការដឹកនាំ Man Utd មួយរដូវកាលមិនបានជោគជ័យឬត្រូវប្រធានក្លិបបណ្ដេញចេញនោះ ក៏លោក Sir Alex បាននិយាយដែរថាក្លិបមិនបានឱ្យពេលវេលាទៅអ្នកចាត់ការសញ្ជាតិស្កុតឡែននេះគ្រប់គ្រាន់៕
ប្រែសម្រួល៖ មុន្នី រម្យ ប្រភព៖dailymail
