ភ្ញាក់ផ្អើល ពេលដឹងពីប្រាក់ឈ្នួលរបស់អាជ្ញាកណ្ដាលក្នុងលីគធំៗនៅអឺរ៉ុប!

2018-02-01 13:00:06
បាល់ទាត់

2018-02-01 13:00:06
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្នុងពិភពបាល់ទាត់នៅអឺរ៉ុប ភាគច្រើនពេលនិយាយរឿងប្រាក់ឈ្នួល គេតែងនឹកឃើញដល់កីឡាករ និងអ្នកចាត់ការ ព្រោះអ្នកទាំងនោះរកចំណូលបានច្រើនៗ។ ប៉ុន្តែ បើនិយាយពីប្រាក់ឈ្នួលរបស់អាជ្ញាកណ្ដាល គឺមិនសូវមានគេលើកមកនិយាយនោះទេ។ ទោះជាយ៉ាងណា សារព័ត៌មាន Goal ធ្លាប់បានធ្វើការស្រាយចម្ងល់នេះ ដែលមានដូចខាងក្រោម៖

នៅក្នុងលីគកំពូលអង់គ្លេស ប្រាក់ឈ្នួលគោលគិតជាឆ្នាំរបស់អាជ្ញាកណ្ដាលប្រែប្រួលអាស្រ័យបទពិសោធន៍ ហើយមានចន្លោះពី ៣៨៥០០ ផោន (ជាង ៥ម៊ឺន ៥ពាន់ដុល្លារសហរដ្ឋអាមេរិក) ទៅ ៤២០០០ ផោន (ជិត ៦ម៊ឺនដុល្លារ) ។ បន្ថែមពីលើនេះ ពេលធ្វើជាអាជ្ញាកណ្ដាលម្ដងៗ ពួកគេត្រូវបានទទួលប្រាក់បន្ថែមប្រមាណ ១១៥០ផោន (ជាង ១៦០០ដុល្លារ) ក្នុងមួយប្រកួត។

ដោយឡែកនៅក្នុងលីគធំៗដទៃ នៅអឺរ៉ុប អាជ្ញាកណ្ដាលមិនមានប្រាក់ឈ្នួលគោលដូចនៅអង់គ្លេសឡើយ គឺពួកគេបើកប្រាក់ឈ្នួលតាមការប្រកួត។

នៅ La Liga របស់អេស្ប៉ាញ ក្នុងមួយប្រកួត អាជ្ញាកណ្ដាលទទួលបានរហូតដល់ ៥២០០ផោន(ជាង ៧៣០០ដុល្លារ) ខណៈនៅ Bundesliga របស់អាល្លឺម៉ង់ អាជីពនេះរកបាន ៣១៥០ផោន (ជិត ៤៥០០ដុល្លារ) ក្នុងមួយប្រកួត។

នៅក្នុងលីគកំពូលអ៊ីតាលី អាជ្ញាកណ្ដាលទទួលប្រាក់ហត់នឿយ ៣០០០ ផោន (ជាង ៤២០០ដុល្លារ)ក្នុងមួយប្រកួត ចំណែកឯនៅ Ligue 1 របស់បារាំងវិញ ប្រាក់ឈ្នួលក្នុងមួយប្រកួតគឺ ២៤០០ ផោន (ជិត ៣៥០០ដុល្លារ)។

បើធៀបនឹងបណ្ដាលីគធំៗនៅអឺរ៉ុប នៅក្នុងលីគកំពូលព័រទុយហ្គាល់ អាជ្ញាកណ្ដាលមានចំណូលតិចជាងគេ ពោលគឺ ១០០០ផោន (ជិត ១៥០០ដុល្លារ) ប៉ុណ្ណោះ ក្នុងមួយប្រកួត៕

ប្រភព៖ Goal អត្ថបទ៖ សេរី មង្គល