FFC បើកវគ្គបង្រៀនគ្រូអាជ្ញាកណ្ដាលថ្នាក់ទាបដំបូងដល់សិក្ខាកាម៣២នាក់

2016-01-22 20:58:32
បាល់ទាត់

2016-01-22 20:58:32
ចំនួនមតិ 0 | ចំនួនចែករំលែក 0

ចន្លោះមិនឃើញ

សហព័ន្ធកីឡាបាល់ទាត់កម្ពុជា(FFC) កំពុងបើកវគ្គសិក្សាគ្រូអាជ្ញាកណ្ដាលថ្នាក់ទាប ដែលមានសិក្ខាកាមមកពី ២៥ខេត្ត-ក្រុង ក្នុងប្រទេសកម្ពុជាចំនួន ៣២នាក់ នៅមជ្ឈមណ្ឌលសាលាបាល់ទាត់ជាតិបាទីខេត្តតាកែវ ចាប់ពីថ្ងៃទី២១ ដល់ថ្ងៃទី២៥ ខែមករា ឆ្នាំ២០១៦។

លោក ទុយ វិច្ឆិកា មន្ត្រីអភិវឌ្ឍអាជ្ញាកណ្ដាលរបស់សហព័ន្ធកីឡាបាល់ទាត់កម្ពុជាបានឲ្យដឹងថា វគ្គបណ្ដុះបណ្ដាលនេះ ធ្វើឡើងក្នុងគោលបំណងបង្កើនចំនួនអ្នកមានចំណេះដឹងផ្នែកអាជ្ញាកណ្ដាលឲ្យបានគ្រប់ខេត្ត-ក្រុងក្នុងប្រទេសកម្ពុជា ដើម្បីយកទៅបង្រៀនតៗគ្នានៅក្នុងខេត្តរបស់ពួកគេរៀងៗខ្លួន។ មិនត្រឹមតែប៉ុណ្ណោះសហព័ន្ធក៏មានបំណងចង់ឲ្យសិក្ខាកាម ដែលបានបញ្ចប់វគ្គសិក្សាខ្លីនេះចូលរួមជួយក្នុងព្រឹត្តិការណ៍បាល់ទាត់ពានរង្វាន់ Hun Sen Cup លីគកំពូលកម្ពុជា និងលីគលំដាប់ទី២ របស់កម្ពុជារដូវកាលថ្មីនេះផងដែរ។

មន្ត្រីរូបនេះបន្តថា សិក្ខាកាមដែលបានចូលរួមសុទ្ធតែធ្លាប់មានបទពិសោធន៍ ធ្វើជាមន្ត្រីរៀបចំការប្រកួតបាល់ទាត់ ឬមន្ត្រីត្រួតពិនិត្យអាជ្ញាកណ្ដាល នៅតាមបណ្ដាលខេត្ត- ក្រុងទូទាំងប្រទេស។ ទោះបីសហព័ន្ធទើបតែបង្កើតបានជាលើកទី១ ប៉ុន្តែនឹងប្រឹងប្រែងធ្វើរៀបចំឲ្យបានច្រើនលើក និងកាន់តែមានកម្រិតខ្ពស់បន្ថែមទៀត៕

អត្ថបទ៖ ស្រី សុវណ្ណដារ៉ា រូបថត៖ ឯម រ៉ន