- 2014-10-18 16:58:00
- បាល់ទាត់
បណ្ដុះធនធានគ្រូបង្វឹក និងអាជ្ញាកណ្ដាលថ្មី៣៥រូប
- 2014-10-18 16:58:00
- ចំនួនមតិ 0 | ចំនួនចែករំលែក 0
បណ្ដុះធនធានគ្រូបង្វឹក និងអាជ្ញាកណ្ដាលថ្មី៣៥រូប
ចន្លោះមិនឃើញ
ធនធានគ្រូបង្វឹកកីឡាបាល់ទាត់ និងអាជ្ញាកណ្ដាលថ្មី ដែលកាត់សេចក្ដីក្នុងការប្រកួតសរុបចំនួន៣៥រូប កំពុងចូលរួមរៀនសូត្រ និងធ្វើការហ្វឹកហាត់អនុវត្តផ្ទាល់យ៉ាងសកម្ម នៅលើទីលានបាល់ទាត់សាកលវិទ្យាល័យភូមិន្ទកសិកម្ម តាំងពីថ្ងៃសុក្រ ទី១៧ ខែតុលា ឆ្នាំ២០១៤ ម្សិលមិញនេះមកម្ល៉េះ។
បើតាមលោក សុះ រ៉ូហ្សាលី គ្រូជំនួយវគ្គបណ្ដុះបណ្ដាលបានឲ្យដឹងថា វគ្គបណ្ដុះបណ្ដាលអាជ្ញាកណ្ដាល និងគ្រូបាល់ទាត់ថ្នាក់មូលដ្ឋាន នៅខណ្ឌដង្កោនេះ មានសិក្ខាកាមចូលរួមសរុបចំនួន៣៥រូបដែលមកពីបឋមសិក្សាដង្កោចំនួន២៥រូប អនុវិទ្យាល័យដង្កោ៦ វិទ្យាល័យដង្កោ៣រូប និងសមាសភាពពីខណ្ឌដង្កោមួយរូប ក្រោមការបង្វឹករបស់លោកគ្រូបង្គោល ប្រាក់ សុវណ្ណារ៉ា។
លោកគ្រូប្រាក់ សុវណ្ណារ៉ា កំពុងណែនាំបច្ចេកទេសដល់សិក្ខាកាម
សកម្មភាពអនុវត្តផ្ទាល់លើទីលាន
វគ្គបណ្ដុះបណ្ដាលនេះរៀបចំរយៈពេល៨ថ្ងៃ ដោយចាប់ពីថ្ងៃទី១៧ ដល់ថ្ងៃទី២០ ជាការសិក្សាលើវគ្គគ្រូបាល់ទាត់កម្រិតមូលដ្ឋាន រីឯចាប់ពីថ្ងៃទី២១ ដល់២៤ ជាការសិក្សាលើវគ្គអាជ្ញាកណ្ដាល។
ក្នុងពិធីបើកវគ្គបណ្ដុះបណ្ដាលនេះកាលពីម្សិលមិញមានការចូលរួមពី ឯកឧត្ដម រ័ត្ន ស្រៀង លោក ម៉ៃ តុលា អគ្គលេខាធិការរងសហព័ន្ធកីឡាបាល់ទាត់កម្ពុជា លោក ជា ជាតិ ប្រធានមន្ទីរអប់រំយុវជននិងកីឡារាជធានីភ្នំពេញ អភិបាលខណ្ឌដង្កោ និងសាកលវិទ្យាធិការរងសាកលវិទ្យាល័យភូមិន្ទកសិកម្ម។
អត្ថបទ៖ អៀង សូទ្រី
រូបថត៖ សុះ រ៉ូហ្សាលី
