- 2022-02-03 07:09:00
- កីឡាផ្សេងៗ
គ្រូតេក្វាន់ដូ ITF ក្រសួងហិរញ្ញវត្ថុ៖ មើលឃើញកូនសិស្សសមត្ថភាពកើនឡើងជាងឆ្នាំមុនៗទៀត
- 2022-02-03 07:09:00
- ចំនួនមតិ 0 | ចំនួនចែករំលែក 0
គ្រូតេក្វាន់ដូ ITF ក្រសួងហិរញ្ញវត្ថុ៖ មើលឃើញកូនសិស្សសមត្ថភាពកើនឡើងជាងឆ្នាំមុនៗទៀត
ចន្លោះមិនឃើញ
គ្រូតេក្វាន់ដូ ITF ខាងក្រសួងហិរញ្ញវត្ថុមើលឃើញថាសិស្សគុនទាំងជម្រើសជាតិ និងខាងក្រៅមានការរីកចម្រើនសមត្ថភាពច្រើនល្អជាងឆ្នាំមុនៗទៅទៀតទោះមានការរំខានពីជំងឺកូវីដយ៉ាងណាក្ដីកកន្លងទៅនេះ។
លោក អោក សំនាង គ្រូតំណាងក្រុមក្រសួងហិរញ្ញវត្ថុបានឲ្យដឹងថា ក្រុមរបស់លោកដែលទទួលបានចំណាត់ថ្នាក់លេខ១ ឈ្នះមេដាយមាស ៦គ្រឿងនៃការប្រកួតជើងឯកថ្នាក់ជាតិ ២០២១ កន្លងទៅថ្មីៗនេះ គឺមានចិត្តរំភើបមែនទែនព្រោះពីមុនមិនធ្លាប់ជោគជ័យខ្លាំងបែបនេះទេ។
គ្រូ ITF ខាងលើបន្ថែមទៀតថា បើតាមមើលឃើញគឺកីឡាករ កីឡាការិនីទាំងចាស់ទាំងថ្មីមានការកើនឡើងសមត្ថភាពខ្លាំង អាចលើសពីឆ្នាំមុៗទៅទៀតបើប្រៀបធៀបគ្នា។ មិនថាក្រុមជម្រើសជាតិ ឬខាងកីឡាករនៅក្រៅនោះទេ ពោលទាំងកម្លាំង បច្ចេកទេសគឺល្អ ទាំងនេះដោយសារម្នាក់ៗ មានការតាំងចិត្តខ្ពស់ មានការប្ដេជ្ញាខ្លាំងជាមួយគ្រូៗប្រធានសហព័ន្ធ ដើម្បីឆ្ពោះទៅរកមេដាយមាស១៥គ្រឿង នៅស៊ីហ្គេម ២០២៣។ ក្នុងនាមជាគ្រូមួយរូបក៏ចូលរួមជំរុញលើកទឹកចិត្តជាមួយក្លឹបផ្សេងៗដល់ក្រុមតេក្វាន់ដូ ITF បង្កើនសមត្ថភាពឈានទៅរកជោគជ័យនៅស៊ីហ្គេម កម្ពុជាធ្វើជាម្ចាស់ផ្ទះផងដែរ។
រំលឹកដែរថា ក្រុមតេក្វាន់ដូ ITF ក្រសួងហិរញ្ញវត្ថុ ជាប់ចំណាត់ថ្នាក់លេខ១ ដែលឈ្នះមេដាយមាសច្រើនជាងគេក្នុងព្រឹត្តិការណ៍ជើងឯកថ្នាក់ជាតិ ២០២១ ដែលបញ្ចប់ទៅកាលពីថ្ងៃទី២៩ ខែមករា ២០២២។ ក្រុមនេះឈ្នះមេដាយមាស៦ ប្រាក់២ និងសំរឹទ្ធ៤ សរុប១២គ្រឿង៕
