- 2019-09-04 01:58:41
- បាល់ទាត់
គ្រូអេស្ប៉ាញដាស់តឿន Ramos ថាប្រយ័ត្នបាត់ដំណែង១១នាក់នៅជម្រើសជាតិ
- 2019-09-04 01:58:41
- ចំនួនមតិ 0 | ចំនួនចែករំលែក 0
គ្រូអេស្ប៉ាញដាស់តឿន Ramos ថាប្រយ័ត្នបាត់ដំណែង១១នាក់នៅជម្រើសជាតិ
ចន្លោះមិនឃើញ
Sergio Ramos មិនត្រូវគិតថាខ្លួននឹងជាប់ជម្រើស១១នាក់ដំបូងនៅអេស្ប៉ាញ នៅរាល់ពេល និងរាល់ប្រកួតនោះទេ។ នេះបើតាមសម្ដីលោក Robert Moreno ជាគ្រូបង្វឹក។
ការនិយាយបែបនេះ បន្ទាប់ពីខ្សែការពារវ័យ៣៣ឆ្នាំមិនអាចជួយក្លឹបអាជីពបានល្អគ្រប់គ្រាន់ដូចពីមុនពោលគឺ Real Madrid ឈ្នះត្រឹម៤ដងប៉ុណ្ណោះពី ១២ប្រកួតនៅ LaLiga គិតភ្ជាប់ពីរដូវកាលមុនមក។ លទ្ធផលស្មើ Valladolid និង Villarreal ធ្វើឲ្យ Real រងការរិះគន់ចំពោះប្រព័ន្ធការពារជាពិសេសគឺ Ramos តែម្ដង។
Moreno ទទួលស្គាល់ថា Ramos ដែលបង្ហាញខ្លួន១៦៥ឲ្យជម្រើសជាតិ ពិតជាមិនអាចខ្វះបានសម្រាប់អេស្ប៉ាញ ប៉ុន្តែលោកមិនចង់ឲ្យខ្សែការពាររូបនេះ ជិះសេះលេងរហូតធ្លាក់ទម្រង់លេង។ "បើគ្មានបញ្ហារបួសគឺពិតណាស់ Ramos នឹងបានលេង ប៉ុន្តែខ្ញុំមិនចង់ឲ្យគេគិតថាខ្លួនឯងនឹងជាប់ជម្រើសដំបូងរាល់ប្រកួតទេ"។
"ខ្ញុំពិតជារីករាយដែលកីឡាករវ័យក្មេង ពិសេសខ្សែការពារកណ្ដាលមាន រៀមច្បងដូចជា Ramos ជាបង្គោល ព្រោះរូបគេបានផ្ដល់មេរៀន និងបទពិសោធន៍ជាច្រើនដល់សិស្សប្អូន"។ លោក Moreno និយាយដូច្នេះ៕