- 2016-09-05 17:37:41
- បាល់ទាត់
Acleda Cup ៖ គ្រូក្រុម HQ-D អះអាងថា គ្មានក្រុមណាខ្លាំងជាងក្រុមណាទេ
- 2016-09-05 17:37:41
- ចំនួនមតិ 0 | ចំនួនចែករំលែក 0
Acleda Cup ៖ គ្រូក្រុម HQ-D អះអាងថា គ្មានក្រុមណាខ្លាំងជាងក្រុមណាទេ
ចន្លោះមិនឃើញ
លោក ចាន់ វាសនា គ្រូបង្វឹកក្រុមបាល់ទាត់ HQ-D បញ្ជាក់ពីសមត្ថភាពក្រុមទាំងអស់ថា គ្មានក្រុមណាខ្លាំងជាងក្រុមណារបស់លោកនោះទេ បន្ទាប់ពីក្រុមរបស់លោកទម្លាក់ក្រុមបាល់ទាត់ TBK ដោយបាល់ប៉េណាល់ទី៣-២ ក្រោយចប់ការប្រកួតស្មើគ្នា១-១វគ្គ១៦ក្រុមចុងក្រោយក្នុងពាន Acleda Cup ។
លោក ចាន់ វាសនា បានឲ្យដឹងថា ក្រុមចូលរួមលេងពានខាងលើមិនមែនជាកីឡាករអាជីព ហេតុនេះកម្រិតសមត្ថភាពបច្ចេកទេសមិនលើសគ្នានោះទេ។ លទ្ធផលចាញ់ ឬឈ្នះភាគច្រើនបានមកពីសំណាងច្រើនជាងសមត្ថភាព។
គ្រូបង្វឹករូបនេះបន្ថែមថា ក្រុមដែលចង់ឲ្យក្រុមរបស់ខ្លួនធ្វើបានល្អគួរហ្វឹកហាត់បន្ថែមកម្លាំងជាមុនសិន។ ចំណែកក្រុមរបស់លោកវិញហាក់មើលរំលងការហ្វឹកហាត់នាពេលកន្លងមក សម្រាប់ការប្រកួតវគ្គ ៨ក្រុមលើកក្រោយនេះ នឹងហ្វឹកហាត់កម្លាំង និងចំណុចខ្វះខាតបន្ថែមទៀតទើបអាចទទួលបានលទ្ធផលល្អ។
ក្រុម HQ-D នឹងត្រូវប៉ះក្រុម PNP នាវគ្គ ៨ក្រុមចុងក្រោយ បន្ទាប់ពីក្រុម PNP យកឈ្នះក្រុម SVG ១-០នាវគ្គ ១៦ក្រុមចុងក្រោយកាលពីរសៀលថ្ងៃទី៣ ខែកញ្ញា ឆ្នាំ២០១៦នៅកីឡដ្ឋានវេស្ទើន។ ក្រៅពីការប្រកួតក្នុងពាន Acleda Cup ក៏មានការប្រកួតមិត្តភាពផងដែរក្នុងថ្ងៃជាមួយគ្នានោះគឺ ការិយាល័យកណ្ដាល គ យកឈ្នះក្រុមផ្សារដើមថ្កូវ ៣:២ ដែលកីឡាករក្នុងក្រុមពីរនេះក៏ជាបុគ្គលិករបស់ក្រុមហ៊ុន Acleda ផងដែរ៕
អត្ថបទ៖ ស្រី សុវណ្ណដារ៉ា