- 2016-01-26 17:28:42
- បាល់ទាត់
យុវជនជម្រើសជាតិ គឹមហេង យក វឌ្ឍនាកា ជា Idol ដើម្បីអភិវឌ្ឍខ្លួន
- 2016-01-26 17:28:42
- ចំនួនមតិ 0 | ចំនួនចែករំលែក 0
យុវជនជម្រើសជាតិ គឹមហេង យក វឌ្ឍនាកា ជា Idol ដើម្បីអភិវឌ្ឍខ្លួន
ចន្លោះមិនឃើញ
អ្នករកគ្រាប់បាល់ឲ្យក្រុមជម្រើសជាតិកម្ពុជាអាយុក្រោម១៥ ឆ្នាំ ដែលយកឈ្នះប្រទេសហ្វីលីពីន ១-០ ក្នុងការប្រកួតពានរង្វាន់ 2015 AFF U-16 Championship កាលពីឆ្នាំ២០១៥កន្លងទៅ ទៀត គឹមហេង បានប្រាប់ថា ចាន់ វឌ្ឍនាកា ជានិម្មិតរូបដែលរូបគេព្យាយាមសិក្សាពីរបៀបលេងដើម្បីអភិវឌ្ឍខ្លួនឲ្យក្លាយជាកីឡាករលេចធ្លោនាពេលអនាគត។
ខ្សែបម្រើប្រយុទ្ធយុវជនជម្រើសជាតិកម្ពុជារូបនេះទៀត គឹមហេង បានឲ្យដឹងថា ចាន់ វឌ្ឍនាកា បានក្លាយមកជានិម្មិតរូបរបស់ខ្លួនជាយូរមកហើយ។ បើនិយាយពីកីឡាករបរទេសគឺ Rodaldo និង Messi ជាកំពូលកីឡាករល្អលំដាប់ថ្នាក់ពិភពលោក ប៉ុន្តែរូបគេមិនយកធ្វើជា Idol ទេ ពីព្រោះរូបគេស្រលាញ់កីឡាករខ្មែរ និងចង់លើកស្ទួយកីឡាករកម្ពុជា។
យុវជនរូបនេះបន្តថា រូបគេតែងមើល ចាន់ វឌ្ឍនាកា លេងគ្រប់ការប្រកួត ហើយពេលនេះកំពុងព្យាយាមហ្វឹកហាត់ ដើម្បីឲ្យទម្រង់លេងរបស់ខ្លួនរីកចំរើនដូចនិម្មិតរូបនាពេលអនាគត។ ក្រៅពី ចាន់ វឌ្ឍនាកា នៅមាន រស់ សំអឿន ម្នាក់ទៀត ដែល គឹមហេង ពេញចិត្ត។
បច្ចុប្បន្នក្រុមកីឡាករបាល់ទាត់ជម្រើសជាតិកម្ពុជាអាយុក្រោម ១៥ឆ្នាំ កំពុងហ្វឹកហាត់នៅសាលាបាល់ទាត់ជាតិបាទីខេត្តតាកែវ៕
អត្ថបទ៖ ស្រី សុវណ្ណដារ៉ា
