- 2019-02-10 01:54:41
- បាល់ទាត់
ខ្សែបម្រើប្រុសស្អាត Chappuis បង្ហាញអារម្មណ៍ពិតពីការប្រកួតយប់មិញ
- 2019-02-10 01:54:41
- ចំនួនមតិ 0 | ចំនួនចែករំលែក 0
ខ្សែបម្រើប្រុសស្អាត Chappuis បង្ហាញអារម្មណ៍ពិតពីការប្រកួតយប់មិញ
ចន្លោះមិនឃើញ
ខ្សែបម្រើកណ្តាលជម្រើសជាតិថៃ និងក្រុម Muangthong United កីឡាករ Charyl Chappuis បង្ហាញអារម្មណ៍សប្បាយរីករាយយ៉ាងខ្លាំងដែលបានមកប្រកួតនៅលើទឹកដីកម្ពុជាដែលមានអ្នកគាំទ្រយ៉ាងច្រើនកុះករ។
ផ្តល់បទសម្ភាសន៍ដល់ BTV ក្រោយពេលដែល Muangthong United បានចាញ់ Cambodia All Star ដោយលទ្ធផល ២-១ កីឡាករ Charyl Chappuis បាននិយាយថា ចំពោះការប្រកួតថ្ងៃនេះក្រុមម្ចាស់ផ្ទះពិតជាលេងបានល្អរហូតរកបាន២គ្រាប់នៅវគ្គទី១។ ចំពោះការលេងនៅវគ្គទី២ Muangthong បានព្យាយាមប្រឹងប្រែងខ្លាំងដែរ ប៉ុន្តែរកបានតែ១គ្រាប់។ ការប្រកួតថ្ងៃនេះ Cambodia All Star សមឈ្នះហើយ។
ខ្សែបម្រើកណ្តាលថៃកាត់ស្វីស Chappuis បន្តថា មកលេងនៅកម្ពុជាពិតជាសប្បាយរីករាយណាស់ ពីព្រោះនៅទីនេះប្រជាជនកម្ពុជាពិតជាស្រលាញ់បាល់ទាត់ ហើយពួកគាត់បានមកគាំទ្រយ៉ាងខ្លាំងច្រើនកុះករ។ មកលេងទីនេះរាល់ឆ្នាំ មានអ្នកគាំទ្រច្រើនរាល់លើក ហើយសង្ឃឹមបានមកលេងឆ្នាំក្រោយទៀត។
ក្រុមម្ចាស់ផ្ទះ Cambodia All Star ទទួលបានជ័យជម្នះលើក្រុមភ្ញៀវ Muangthong United ដោយលទ្ធផល ២-១ ដែកគ្រាប់ទី១រករបស់ Cambodia All Star រកបានដោយខ្សែប្រយុទ្ធបរទេស Privat និងគ្រាប់ទី២រកបានដោយខ្សែបម្រើលេខ១៧ ឈិន ឈឿន នៅវគ្គទី១ ហើយ Muangthong United រកបាន១គ្រាប់នៅវគ្គទី២៕
