- 2017-04-03 06:37:49
- ព័ត៌មាន
ស្ដេចខ្មោច The Undertaker ចូលនិវត្តន៍ហើយ?
- 2017-04-03 06:37:49
- ចំនួនមតិ 0 | ចំនួនចែករំលែក 0
ស្ដេចខ្មោច The Undertaker ចូលនិវត្តន៍ហើយ?
ចន្លោះមិនឃើញ
វីរបុរសសង្វៀន WWE អ្នកកីឡាកាសជើងចាស់ The Undertaker រហស្សនាម "ស្ដេចខ្មោច" បានវាយចាញ់ Roman Reigns ក្នុងព្រឹត្តិការណ៍ WrestleMania 33 កាលពីព្រឹកមិញ។
ក្រោយការបរាជ័យនេះ The Undertaker បានដោះអាវធំ ស្រោមដៃ និងដោះមួកចេញ ថែមទាំងលើកដៃអរគុណអ្នកគាំទ្រមុននឹងចាកចេញ។ ទោះជាយ៉ាងណា ពុំទាន់មានការប្រកាសផ្លូវការថា អ្នកកីឡាកាសវ័យ៥២ឆ្នាំរូបនេះ ចូលនិវត្តន៍នោះទេ ប៉ុន្តែអ្នកគាំទ្រជាច្រើន ជឿថាស្តេចខ្មោច បានបញ្ចប់អាជីពត្រឹមប្រកួតនេះហើយ ខណៈដែលអ្នកលេងបណ្តាញសង្គម Twitter ជាច្រើន បានបង្ហោះរូបអរគុណដល់អ្នកកីឡាកាសរូបនេះ ដែលបានកំដរអារម្មណ៍របស់ពួកគេ តាំងពីតូចមកអស់រយៈពេលជាង២ទសវត្សរ៍។
The Undertaker បានប្រកបអាជីពជាអ្នកកីឡាកាសតាំងពីឆ្នាំ១៩៨៤ និងបានចុះកុងត្រានៅសង្វៀន WWE តាំងពីឆ្នាំ១៩៩០ រហូតដល់បច្ចុប្បន្ន។ រយៈពេល២៧ឆ្នាំ អ្នកកីឡាកាសរូបនេះ ធ្លាប់ឈ្នះក្រវាត់ទម្ងន់ធ្ងន់ពិភពលោក WWE ៣ដង និងឈ្នះ Royal Rumble កាលឆ្នាំ២០០៧ ផងដែរ៕