- 2017-02-13 01:29:35
- ប្រដាល់
សប្តាហ៍ក្រោយ មឿន សុខហ៊ុច ចេញទៅវ៉ៃដណ្តើមខ្សែក្រវាត់មាសនៅថៃ ទាំងមានទំនុកចិត្តខ្ពស់
- 2017-02-13 01:29:35
- ចំនួនមតិ 0 | ចំនួនចែករំលែក 0
សប្តាហ៍ក្រោយ មឿន សុខហ៊ុច ចេញទៅវ៉ៃដណ្តើមខ្សែក្រវាត់មាសនៅថៃ ទាំងមានទំនុកចិត្តខ្ពស់
ចន្លោះមិនឃើញ
អ្នកប្រដាល់ទាត់ធ្ងន់ មឿន សុខហ៊ុច ត្រូវហោះទៅទឹកដីថៃនាថ្ងៃទី២៣ ខែកុម្ភៈ ឆ្នាំ២០១៧ នេះ ដើម្បីត្រៀមជួបជើងខ្លាំង៣រូបទៀតក្នុងកម្មវិធីដណ្ដើមខ្សែក្រវាត់មាស Max Muay Thai នាថ្ងៃទី២៦ ខែកុម្ភៈ ឆ្នាំ២០១៧។
ម្ចាស់ខ្សែក្រវាត់ប្រាក់ Max Muay Thai ម៉ឺន សុខហ៊ុច បានប្រាប់ថា បេក្ខភាព៣រូបផ្សេងទៀតសុទ្ធតែជាជើងខ្លាំង។ មុនពេលពួកគេឈ្នះខ្សែក្រវាត់ប្រាក់រៀងៗខ្លួន ពួកគេបានផ្តួលកីឡាករម្ចាស់ផ្ទះថៃជាច្រើនរូប។ ដូច្នេះច្បាស់ណាស់ ពួកគេមិនមែនជាដៃគូងាយស្រួលនោះទេ។ ទោះជាយ៉ាងណា រូបគេក៏សង្ឃឹមទទួលបានលទ្ធផលល្អដែរ ពីព្រោះរូបគេបានដឹងពីចំណុចខ្សោយរបស់ពួកគេដែរ។ ពួកគេមិនល្អគ្រប់ដប់ពេកឡើយ ជាពិសេសជើងក្រោម អីចឹងហើយទើបបានជារូបគេសង្ឃឹមទទួលបានលទ្ធផលល្អ។
អ្នកប្រដាល់រូបនេះបន្ថែមថា រូបគេបានដឹងសមត្ថភាពកីឡាករទាំងនោះតាមការមើលវីដេអូប្រកួតកន្លងមក។ ដើម្បីឡើងទៅវ៉ៃក្នុងទឹកដីនេះ រូបគេបានបង្កើនការហ្វឹកហាត់រហូតក្នុងនោះ រត់ពីរដងក្នុងមួយថ្ងៃ និងហាត់ឡាំជាមួយមិត្តរួមក្លឹបថ្មី ផាន់ គ្រាន់ ជាដើម។
ខ្សែក្រវាត់ប្រាក់ដែល មឿន សុខហ៊ុច បានប្រកួតឈ្នះគឺកាលពីថ្ងៃទី២៨ ខែសីហា ឆ្នាំ២០១៦ ខណៈប្រាក់រង្វាន់មានចំនួន២០ម៉ឺនបាត ។ ចំណែកខ្សែក្រវាត់មាសដែល ខុសហ៊ុច ត្រូវទៅដណ្ដើមនៅចុងខែនេះមានប្រាក់រង្វាន់រហូតដល់ទៅ១លានបាត៕