/637f663c72c6b_1669293600_medium.jpg)
- 2022-11-24 12:44:35
- បាល់ទាត់
ម្ចាស់ក្លឹប Man Utd មិនឆ្លើយសំណួរទាក់ទងនឹងពាក្យចចាមអារ៉ាមពាក់ព័ន្ធគម្រោងលក់ក្លឹប
- 2022-11-24 12:44:35
- ចំនួនមតិ 0 | ចំនួនចែករំលែក 0
ម្ចាស់ក្លឹប Man Utd មិនឆ្លើយសំណួរទាក់ទងនឹងពាក្យចចាមអារ៉ាមពាក់ព័ន្ធគម្រោងលក់ក្លឹប
ចន្លោះមិនឃើញ
ក្នុងថ្ងៃនេះ លោក Avram Glazers សហម្ចាស់ក្លឹប Manchester United មិនឆ្លើយសំណួរទាក់ទងនឹងពាក្យចចាមអារ៉ាមទាក់ទិននឹងគម្រោងលក់ក្លឹប។
មួយរយៈចុងក្រោយនេះ មានពាក្យចចាមអារ៉ាមជាច្រើនក្នុងមជ្ឈដ្ឋានបាល់ទាត់បានរំលេចថា ម្ចាស់ក្លឹប Manchester United មានចេតនាក្នុងការលក់ក្លឹប។ ឆ្លើយតបទៅនឹងពាក្យចចាមអារ៉ាមនេះ លោក Avram Glazers មិនបានលើកពាក្យថា លក់ ឬមិនលក់ឡើយ ដោយលោកគ្រាន់តែនិយាយថា៖ "គណៈគ្រប់គ្រងរបស់ក្លឹបកំពុងពិនិត្យសម្រេចជ្រើសរើសជម្រើសយុទ្ធសាស្ត្រមួយចំនួនដើម្បីភាពរីកចម្រើននៃក្លឹប Manchester United"។
ក្រុមគ្រួសារមហាសេដ្ឋីអាមេរិកត្រកូល Glazers បានទិញក្លឹបបិសាចក្រហមកាលពីឆ្នាំ ២០០៥។ តាំងពីពេលនោះមក ក្លឹបបានឆ្លងកាត់ពេលវេលាមួយដ៏គួរឲ្យចាប់អារម្មណ៍។ បើទោះជាមានភាពជោគជ័យមួយចំនួនក៏ដោយ កាលពីអំឡុងពេលប៉ុន្មានឆ្នាំដំបូងៗ ក្លឹបត្រូវបានគេសង្កេតឃើញថាបានធ្លាក់សមត្ថភាពប្រជែងពានធំៗរបស់ខ្លួនក្នុងរយៈពេលជាង ១០ឆ្នាំចុងក្រោយនេះ។
អតីតកីឡាករ អ្នកគាំទ្រក្លឹបបិសាចក្រហម ព្រមទាំងមជ្ឈដ្ឋានជំនាញបាល់ទាត់ជាច្រើន បានទិតៀនការគ្រប់គ្រងក្លឹបរបស់គ្រួសារត្រកូល Glazers ដោយថាក្រុមអ្នកជំនួញត្រកូលនេះគិតអំពីលុយជាធំជាងអ្វីៗទាំងអស់ ហើយមិនបានខ្វល់ខ្វាយគ្រប់គ្រាន់អំពីផែនការវិនិយោគរយៈពេលវែងសម្រាប់ស្ដារសមត្ថភាពរបស់ក្លឹបក្នុងការប្រកួតប្រជែងយកពានធំៗជាមួយក្លឹបយក្សដទៃទៀត៕
