- 2022-11-08 04:47:53
- កីឡាផ្សេងៗ
លោក ហែម គីរី៖ លើកទឹកចិត្តឲ្យអ្នកស្រឡាញ់ហែលទឹកចុះឈ្មោះហាត់តាមក្លឹបនានា
- 2022-11-08 04:47:53
- ចំនួនមតិ 0 | ចំនួនចែករំលែក 0
លោក ហែម គីរី៖ លើកទឹកចិត្តឲ្យអ្នកស្រឡាញ់ហែលទឹកចុះឈ្មោះហាត់តាមក្លឹបនានា
ចន្លោះមិនឃើញ
លោក ហែម គីរី លើកទឹកចិត្តដល់យុវជន និងមហាជនដែលស្រឡាញ់ចូលចិត្តវិស័យកីឡាហែលទឹកនេះសូមទាក់ទងចុះឈ្មោះតាមបណ្ដាក្លឹបសមាគមដែលមាននាពេលបច្ចុប្បន្នដើម្បីក្លាយជាធនធាន និងបានបញ្ចេញសមត្ថភាព។
អគ្គលេខាធិការសហព័ន្ធខ្មែរកីឡាហែលទឹក លោក ហែម គីរី បានឲ្យដឹងក្នុងពិធីបិទការប្រកួតពានរង្វាន់ព្រឹទ្ធាចារ្យ ហែម ថុន ថាពានរង្វាន់នេះគឺមានយុវជនចូលរួមសរុប ៨៣នាក់មកពីបណ្ដាក្លឹប សមាគមផ្សេងៗ។ ពានរង្វាន់នេះដែរគឺបង្កើតឡើងក្នុងគោលបំណងរំលឹកនូវគុណូបការៈ ការលះបង់ ការជ្រោមជ្រែងរបស់ព្រឹទ្ធាចារ្យ ហែម ថុន នាពេលកន្លងមកចំពោះវិស័យកីឡាហែលទឹកនៅកម្ពុជា។
ទន្ទឹងនិងនេះក៏ជាការរួមចំណែកលើកស្ទួយវិស័យកីឡាហែលទឹក ពង្រឹងសមត្ថភាពយុវជន និងជាការផ្ដល់ឱកាសឲ្យថ្នាលក្មេងៗបានបញ្ចេញសមត្ថភាព ភាពលេចធ្លោរបស់ខ្លួនដល់សាធារណៈជនក៏ដូចជាសហព័ន្ធផងដែរ។
លោក ហែម គីរី បានផ្ដាំផ្ញើ និងលើកទឹកចិត្តចំពោះអ្នកដែលមាននិស្ស័យជាមួយកីឡាហែលទឹក សូមចុះឈ្មោះចូលហាត់រៀនជាមួយសហព័ន្ធ ក្លឹប សមាគមនានាមិនថាខេត្ត រាជធានីនោះទេ ដើម្បីឲ្យក្លាយជាកីឡាករជម្រើសជាតិ បញ្ចេញស្នាដៃដណ្ដើមជ័យជម្នះជូនប្រទេសជាតិ។
រំលឹកដែរថា ថ្មីៗនេះសហព័ន្ធបានប្រារព្ធធ្វើពានរង្វាន់ព្រឹទ្ធាចារ្យ ហែល ថុន លើកទី៥ នៅក្នុងពហុកីឡដ្ឋានជាតិ។ ក្នុងនោះមានកីឡាករ កីឡាការិនីចូលរួមសរុប ៨៣នាក់មកពីក្លឹបហែលទឹកចំនួន៨ ។ ចំពោះអ្នកចង់ទាក់ទងហាត់រៀនកីឡាហែលទឹកអាចទំនាក់ទំនងតាមផេកសហព័ន្ធ ឬអញ្ជើញទៅសហព័ន្ធផ្ទាល់ក៏បាននៅពហុកីឡដ្ឋានជាតិ៕
