កុំភ្លេចម៉ោង៤ល្ងាចនេះ ការប្រកួត Slamball ចាប់ផ្ដើមហើយ

2022-11-05 00:07:00
បាល់ទះ

2022-11-05 00:07:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ការប្រកួតបើកឆាកពានរង្វាន់ Slamball នឹងចាប់ផ្ដើមហើយនៅម៉ោង៤ល្ងាចនេះ រវាងក្រុមត្រីឆ្លាំងភ្នំពេញ បើកទីលានរបស់ខ្លួនស្វាគមន៍ក្រុមភ្ញៀវកូននាគព្រៃវែង។

Slamball ជាការប្រកួតបាល់ទះ៤ស្មើ បង្កើតថ្មីដោយមានការសហការគ្នារវាងក្រុមហ៊ុន Sabay និង Anchor ។ ពានរង្វាន់នេះ មាន៨ក្រុមមកពី៨ខេត្តរាជធានីចូលរួមប្រកួត ហើយការប្រកួតបើកឆាកនៅធ្វើឡើងនៅម៉ោង៤រសៀលនេះហើយ។ គូដំបូងគេដែលនឹងប៉ះគ្នាគឺក្រុមត្រីឆ្លាំងភ្នំពេញ បើកទីលានរបស់ខ្លួនស្វាគមន៍ក្រុមភ្ញៀវកូននាគព្រៃវែង។ នេះជាជំនួបមួយក្នុងការប្រកួតបាល់ទះ ព្រោះក្រុមទាំងពីរសុទ្ធតែមានកីឡាករឆ្នើមៗលំដាប់ប្រទេសចូលរួមទាំងអស់។

ជាក់ស្ដែង ត្រីឆ្លាំងភ្នំពេញមានសមាសភាពកីឡាករដូចជា មឿន ម៉េងឡាយ, ស្មាត់ឆ្វេងល្អ ខុម ហុងទ្រី, អ្នកប៉ះសេឆ្នើម ប៊ន ណារិទ្ធ, ឈួន ប្រសិទ្ធ និង ធី ម៉េងហួង ហៅកូននាគស្លាបហង្ស និងដឹកនាំក្រុមដោយលោកគ្រូ អ៊ូ សុផល។ ពួកគេជាកីឡាករល្អៗនិងឆ្នើមៗមកពីក្លឹបក្រសួងមហាផ្ទៃ និងលេងតំណាងឱ្យក្លឹបបាល់ទះ MS GYM រាជធានីភ្នំពេញ។

ខណៈដែលក្រុមកូននាគព្រៃវែងវិញ មានសមាជិកដូចជា ជុក សោភា ហៅឥន្ទ្រីពិឃាដឌូក, សុខ រ៉ាដូ ហៅឥន្ទ្រីស្លាបដែកក្ដូ, សំ សាមីត ហៅឥន្ទ្រីក្រញ៉ាំដែក, អ្នកប៉ះសេឆ្នើម មុំ រតនៈ , កីឡាករសំកាំងលើអាកាស សៀ កុសលនិងដឹកនាំដោយលោកគ្រូ សេត ស៊ីនណារ៉ា។ កីឡាករទាំងអស់នេះមកពីក្លឹបកងពលធំអន្តរាគមន៍លេខ៣ លេងតំណាងអោយក្លឹប GS Clubប្រចាំខេត្តព្រៃវែង។

រំលឹកថា២ក្រុមខាងលើនេះ លេងក្រៅផ្លូវការប៉ះគ្នាជាច្រើនលើកមកហើយ និងលទ្ធផលមានឈ្នះ មានចាញ់។ ដូច្នេះចាំមើលទាំងអស់គ្នាក្នុងការប្រកួតពានរង្វាន់ Slamball វិញ ថាតើនឹងប្រែប្រួល ក៏ដូចជាជក់ចិត្តស្វិតស្វាញកម្រិតណាដែរ៕

អត្ថបទ៖ ប្រុស យុទ្ធ